АЛЕКСАНДР ЧИСТОТИН АЛТАЙ АЙМААНДА ПОЛ КИЛГЕН
25.08.2017
Хабарлар
Хакасияның кізі праволарынҷа уполномоченнайы Александр Чистотин Алтай аймааның ОМВД-зындағы сайбағҷыларны тӱрче тудар изоляторда пол килген. Анда ол, камераларҷа чӧріп, административнай киректерҷе тутырған кізілернең тоғасхан.
Ідӧк уполномоченнай Хубачардағы имнег туразында полған. Анда ол ӧӧн имҷінің орынҷызы Николай Кыштымовнаң льготаҷа имнер пирілчеткенінең палғалыстығ сурығларны ӱзӱрген.
Ідӧк Александр Чистотин Алтай аймааның пазы Владимир Пономаренконаң тоғасхан. Тоғазығда кӧп квартиралығ тураның чуртағҷыларының айланыстары ӱзӱрілген. Олар кӱскӱ-хысхызын суғ пирілчеткенінең палғалыстығ сидіксіністер сығыс килчеткеннеңер искіргеннер. Владимир Пономаренко пу сурығ 1,5 ай аразына пӧгіл парар тіп молҷаан.
Автор :
"Хабар"
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде