Хомзыныс
![Хомзыныс Хомзыныс](/upload/iblock/9d7/evhbb1s5h0vab8iqguqaz4gqcontect5.png)
48 чазын толдыр салып, ах чарыхтаң парыбысты пiстiң редакцияда илееде чыллар хабарӌы полған Елена Михайловна Сагатаева.
Ол 25 кӱргенде 1976 чылда Таштып аймаандағы Пиӌе хол аалда тöреен. 2002 чылда ХГУ-ны тоозып, iстенiс чолын Улуғ Сии аалда ӱгретчi полып пастаан. Олох туста редакциязар кибелiстер, хысхаӌах хабарлар пасчаң. 2005 чылда хабарӌы тоғызына алылған. Ӱс чыл пазынаң пöлiк устағӌызы полыбысхан.
Елена Михайловна öткiн хылыхтығ, табырах хайынчатхан хабарӌы полған. Позының тоғызында аймах-пасха сурығлар кöдiрӌең. Олох туста чайаачы кöңнiн чабыра паспаан. Аның кибелiстерiне сарыннар пазыл турғаннар. Ол прай чирде маңнанарға харасчаң. Тоғыс тузында пос кöңнiнең сомға суурарға ӱгренiп алған.Чахсы сомнарын марығларға ысчаң, аймах сыйыхтарға турысчаң. Чарых кöңнiлiг кибелiстерi хығырығӌыларыбыстың хайиин тартчаңнар.
Пiстiң öменiң халых-чарыдығлығ чуртазында öткiн араласчаң. Ӱлӱкӱн-пайрамнар иртiрiбiзерге хынӌаң, тынағ кӱннерiнде чорыхтарға пар килерге кööктiрiп алӌаң. Чуртас оңдайы хоостыра ол тоғыстаң 2021 чылда пос кöңнiнең парыбысхан.
Хада тоғынған арғызыбыстың чарых омазы пiстiң чӱреебiсте саңайға халар. Мындағ сидiк туста пиӌезiнең паза туңмазынаң аар чобағнаң ӱлесчебiс. Улуғ хомзыныснаң.
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |