Наа сöбiрелiг ползыннар
Öкiс öспезiннер. Пiстiң пу рубрикабыс аннаң андар узарадылча. Пӱӱн сiрернi харындастарнаң таныстырчабыс.
Александр, 2011 чылда тöреен:
– Саша – уғаа паарсах, чоохчыл, прай ниме пiлерге харасчатхан паза öткiн оолах. Школаа хынып чöрче. Че уламох тың хынча ол кибелiстернi öтiре хығырарға паза хығырып алған хоос произведениелернi хати чоохтирға. Улуғларға улуғласнаң хайча. Олар пирчеткен чахығларны хынып паза нандырығлығ толдырча. Пос туста оолахтың кöңнiне кiрче велосипедтiг чöрерi, футбол ойниры, кöглер истерi, ööнiнде «хип-хопты».
Данил, 2015 чылда тöреен:
– Данил – Сашаның туңмазы. Олар оңдай-хылии хоостыра тööйлер. Данил iдöк улуғларға улуғласнаң хайча, чахығларын хынып толдырча. Тиң частығларның даа аразында уғаа амыр тудынча, хырызарға хынминча. Оолахтың иң хынған урогы хоостаӌаң урок полча. Пос туста, тiзең, кöп хыймыранчатхан ойыннарға хынча, ол санда футболға.
Александрнаң Данил – хада тöреен харындастар. Кöрiлген закон хоостыра оларны чарарға чарадылбинча. Аннаңар оолахтарны пос сöбiрезiнзер аларға тимде ирепчi хайди даа табылар тiп iзенчебiс. Пiр чöпке килiп, чарадығ аларға тимненiбiскеннер пу телефонӌа сығдыратсыннар: 8(3902) 295-262. Прай сурығларға паба-iӌе хайии чох халған олғаннарны санға алчатхан хазнаның региондағы операторы нандырар.
Сомнар Усыновите.ру федеральнай базадаң
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |