Владимир Штыгашев: "Президент айланызында таныхтаан пöгiннер паза чарадығлар хазнаны мыннаң мындар тыыдар, тилiдер паза чоныбысты пiрiктiрер"
23.02.2023
Хабарлар

Хакасияның Ööркi Чöп кнезi Владимир Штыгашев Россия президентi Владимир Путиннiң Федеральнай Чыылыға айланызы хоостыра сағыс-кöрiзiнең ӱлескен.
- Наа хығыртығлар паза сынағлар прай ӱлгӱ органнарына, пiстiң Тирiглiг Кӱстерге, бизнеске паза тиксi халых чонға наа пöгiннер турғысчалар. Чир-суубыс ӱчӱн, öнетiн чаа операциязы араласчыларына паза оларның сöбiрелерiне хабазары ӱчӱн, Россияны тилiдерi ӱчӱн тиксi нандырығлығ полчатханыбысты тыытчалар.
Пӱӱн пiстiң кöп чир-суғӌыларыбыс Донбасстың чуртағӌыларын арачылапчалар, наа чирлернi неонацизмнең арығлапчалар. Ада чир-суубыс арачылағӌызы кӱнi алнында Россия президентi öнетiн чаа операциязы араласчыларына паза оларның сöбiрелерiне хабасчаң öнетiн хазна чыындызын тöстирдеңер чарадығ алғаны танығлығ полча.
Хазна пазы iдöк чуртағӌыларның, палалығ сöбiрелернiң чуртазын мыннаң мындар чахсыландырарынӌа уғаа кирек чарадығлар алған. Ол санда МРОТ-ты кöдiрердеңер, налог ахчазын вычет оңдайынаң айландырардаңар.
Президент iдöк стратегиялығ ööн кöстеглерге, Транссиб, БАМ осхас транспорт инфраструктураларын тилiдерiне, ахча позыдарын öскiрердеңер искiрген. Хакасия ол iскер таарлағлар тартарынӌа чахсы хабазар. Улуғ хайығ, хайди таныхтаан хазна пазы, Россия субъекттерiндегi чолларны тыхтирына паза пӱдiрерiне, ЖКХ-ны нааӌылирына салылар.
Öрiндiрген экономиканың ööн отрасльларына кадрлар тимнирiн алыстырардаңар чарадығ. Ортымах профессиональнай ӱгредiге хабазардаңар, пiстiң кибiрлiг ӱгредiг системазынзар айланардаңар.
Халғанӌызын президенттiң улуғ бизнестегiлерге айланызын, хайзына мин толдыразынаң хабасчам, алынӌа таныхтирға сағынчам - хаӌан даа пос Чир-суунаң хада поларға паза ахчаны Россияның тилiзiне позыдарға, - теен Владимир Штыгашев, сағыс-кöрiзiнең ӱлезiп.
Автор :
Тимнеен Альберт Толмашов
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде