ПОС ЧИРІН, ЧОНЫН ААРЛАП ТОҒЫНАРҒА
24.09.2021
Хабарлар
Алғыстастар. Хакасия пазы Валентин Коновалов Пірге табығларда чиңіс тутхан регион пастарына паза орындағы пос устаныс органнар пастарына табылғаннарға алғыстас телеграммаларын ысхан
Регионнарның наа табылған устағҷыларына ызылған алғыстас телеграммаларында пазылча:
- Сірернің профессионализміңер, опыдыңар паза пілізіңер регионның кӱзін орта тузаланарға полызарын, чон чуртазын чахсыландырҷаң ӧӧн сурығларны пӧгеріне кӧстелерін пілчем.
Валентин Коновалов ідӧк регионнарның мыннаң мындар хада-пірге тоғысты узарадарға, тилідерге паза палғалыстарны тыыдарға киректелчеткенін таныхтаан. 17 - 19 сентябрьда Россияда тоғыс регион пазы чуртағҷыларның ӱн пирізінең табылған, ікі регион пазы - орындағы парламентте.
Хакасияда табығ кӱннерінде тоғыс устағҷы табылған: Ағбан пилтірі аймаанаң устирына Елена Егорова хатап табылған, Асхыс поселок пазына - Сергей Энграф, Тӧӧ пазы поселок пазына - Галина Елистратова, Бондарев пазы Елена Корнева халған, Сабинкада - Светлана Бугаева, Первомайскайда - Андрей Поляков, Копьевта - Александр Коропов, Ӱӱс аалда - Виктор Ербягин, Расцветте - Анна Мадисон. Приисковай аал чӧбі пазы Татьяна Смаль полыбысхан, Чарковтағы аал чӧбі пазына - Александр Алексеенко, Тоғызаас аал чӧбі пазына - Сергей Евдокимов. Тиксі алза, Хакасияда Россияның Хазна Думазынзар табығларнаң хада 28 табығ кампаниязы ирткен.
Хакасия пазы Валентин Коновалов табығ кампаниязын маңнаныстығ иртібіскен ӱчӱн паза чиңіс тутхан ӱчӱн устағҷыларны алғыстаан. Алғыстас телеграммаларында республика пазы прай сағынған сағыстарны толдырарға, чуртағҷыларның паза республиканың чахсы чуртазына туза ағылып, тӱзімніг тоғынарға алғаан. Чуртағҷыларның киртінізіне хатап турысхан устағҷылар пос аалларының, поселоктарының паза аймахтарының тилізіне, чуртағҷыларның алынҷа сидіксіністерін пӧгеріне паза оларның чуртас синін чахсыландырарына прай кӱстерін саларына ізенче. Валентин Коновалов республика правительствозы орындағы пос устаныс органнарына ӧӧн сурығларны пӧгерге паза кӧрілген сағыстарны чуртасха кирерге хаҷан даа хабазарға тимдезінеңер ізендірген.
Автор :
Хакасия иазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 1 | 2 | 3 |
Кӱн таңмазы
Хакасияда
Россияда
Тилекейде