Анатолий Серышев Хакасиязар тоғысчы чорығынаң килген
26.03.2024
Хабарлар
Россия президентінің Сибирьдегі федеральнай округтағы полномочиеліг кізізі Анатолий Серышев Хакасия пазы Валентин Коноваловнаң тоғасхан. Тоғазығда регионның пӱӱнгі чуртазы, чуртас-экономиканаң паза халых-ӱлгӱ сурығлары, республиканы тилітчең ӧӧн кӧстеглер ӱзӱрілген.
Ідӧк бюджетсер парыстар кирҷең, чурт-коммунальнай хоныхты чахсыландырҷаң, энергетика инфрастуктуразын тилітчең сурығлар кӧрілген.
Алынҷа хайығ объекттерні террористтердең арачылирына, суғ тазарынаң паза ӧрттер сығызарынаң хорғыс ағылчатхан тусты иртеріне, часхыдағы хыра тоғыстарына тимненеріне салылған.
Ӧӧн сурығларның пірсі Владимир Путиннің указтарын паза чахығларын республикада толдырары полған. Анатолий Серышев Россия президентінің айланызында таныхталған пӧгіннерні толдырар, ідӧк тоғынчатхан паза наа нацпроекттерні чуртасха кирер сурығларҷа прай синдегі ӱлгӱлер кӱстеністерін піріктірерге киректер тіп таныхтаан.
Президенттің полномочиеліг кізізі Хакасия пазынаң хада республика правительствозы, муниципальнай ӱлгӱ, Ӧӧркі Чӧп паза гражданскай халых чон институттары кізілерінең хада тоғазығ иртірген. Тоғазығ «Крокус Ситс Холлдағы» терракта чуртастарын чідіргеннерні хумартхылир минутадаң пасталған.
Тоғазығның ӧӧн сурии ирткен президент табығларының салтарлары полған.
Анатолий Серышев табығларға тимненіс паза ӱн пиріс иртірері чахсы апарылған ӱчӱн алғызын читірген. Ол прай ӱлгӱ органнарының пірге тоғызын, хазнаның иң кирек пӧгіннерін тӱзімніг пӧгеріне республиканың политикадағы паза халыхтардағы ӧӧн кӱстері кӱстеністерін піріктіргенін таныхтаан.
– Пу табығларда, хайзының салтарлары Россияа тархын саринаң танығлығ полчалар, Хакас Республика чуртағҷылары патриотизмде пірге полғанын паза Чир-сууның ӱлӱзіне нандырығлығ хайчатханын кӧзіткеннер, – чоохтанған Анатолий Серышев.
Ол ізенче, пу тӱзімніг пірге тоғыс мыннаң мындар хайраллалар.
Валентин Коновалов позы саринаң регионға рекордтығ полчатхан 74,4% табығҷылар араласханы хазнаның устағ-пастаана киртіністі паза таңдағызына тиліс чолын талирында, аймах-пасха провокациялар полза даа, чуртағҷылар пір кӧрістіг полчатханын киречілепче тіп таныхтаан.
Хакасия пазы Анатолий Серышевке республикаа хайығ салчатханы, регионның правительствозының пастағларына хабасчатханы, Россия президенті турғысхан кӧстеглерні толдырарына паза сығысчатхан сурығларны пӧгеріне полысчатханы ӱчӱн алғызын читірген.
– Полысчабыс паза полызарбыс, – ізендірген Россия президентінің полномочиеліг кізізі.
Сом авторни
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде