Чайаачы ууҷа
14.02.2024
Статья
Р.И.Кайнакова-Мохова пархаларынаң хада
Таныстырчабыс
Раиса Ивановна Кайнакова-Мохова пiстiң литература страницазына удаа кибелiстер пасча.
Ол 19 июльда 1953 чылда Асхыс аймаандағы Индiркi Паза аалда тӧреен. 1960 чылда Казанов аалдағы ортымах школада пастағы классха парған. 1969 чылда 9 класс тоозып, Ағбандағы ӱгретчiлер училищезiнзер кiрген. Аны 1972 чылда тоозып, «Пасталығ класстар ӱгретчiзi» специальность алған соонда аймах-пасха аалларда ӱгретчi полып тоғын чӧрген: Тӧрт тас, Индiркi Паза, Катанов ааллардағы школаларда.
1976 чылда Асхыс аймаандағы Илиморлар аалындағы пасталығ школазар ӱгретчее алылған. Валерий Романович Кайнаковнаң, хонып, сӧбiре тӧстееннер. 1977 чылда тун хызы Лилия тӧреен, 1982 чылда – улуғ оолғы Николай, 1984 чылда – iкiстер Натальянаң Надежда, 1989 чылда – очы оолғы Иван.
Улии тӧреен соонда, iче-пабазында чуртап, пис чыл пазынаң хатап пу аалзар айланған. 1982 чылдаң пу школада пасталығ класстар ӱгретчiзi полып тоғынған, 2014 чылда тынаға парыбысхан. Пу тусха теере кӧп палаа пiлiс пирiп, 30 азыра чыл тоғын салған. Хада хонғаны 1996 чылда ах чарыхтаң парыбысхан, аннаңар Раиса Ивановна пис палазын чалғызан, азырап-ӧскiрiп, чон аразына кир салған.
Ол чайаачы оңдайлығ кiзi, пос туста кибелiстер, чоохтар пазарға хынча паза аалдағы клубта аймах-пасха мероприятиелерде ӧткiн араласча.
Илья Топоев
Сом сӧбiре архивiнең алылған
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы