КЭФ'23: Сибирьнің 2035 чылға тиліс стратегиязы тимнелче
02.03.2023
Хабарлар
Хакасия пазы Валентин Коновалов паза Ööркі Чöп кнезі Владимир Штыгашев “Сибирь чöптезии” ассоциация чöбінің паза Россия президентінің Сибирьдегі федеральнай округтағы полномочиеліг кізізінің Чöбінің тиксі чыылиинда араластылар. Кӱн суриина Сибирьнің 2035 чылға теере тиліс кöстеглерін (стратегиязын) тимнирі сығарылған.
- Пу килкім пічiкті тимнирінде Сибирьдегі прай регионнар араласча, - таныхтапча республика пазы Валентин Коновалов. - Тиліс кöстеглері СФО-да энергетикаӌа, сығарыс промышленнозынӌа паза аал хониинӌа, инфраструктура тилізінӌе паза наукаӌа инвестиция проекттерінің чуртасха кирілерін кöрче.
Чыылығда округтың прай регионнары Тиліс стратегиязының проектіне алызығлар кирерінӌе чöптер пиргеннер. МАСС-тың теестегі чыылығларының пірсінде пічікке чöптер паза тӱзедіглер кирілер, анаң ол чарадылар.
Валентин Олеговичтің таниинаң, чыылығда Сибирьдегі кічіг авиацияның тиліс программазы чарадыл парған.
Ідöк Петербургтағы чоннар аразындағы экономика форумына Сибирьдегі федеральнай округтың пірге кöзідиин тимнирі ӱзӱрілген.
Автор :
Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде