"Хоңыроӌах" - iӌелернiң ӱр сахтаан öрiнiзi
25.12.2020
Хабарлар
Пӱӱн, 25декабрьда, Асхыс аймаандағы Пилтiр аалда пайрамни 120 орыннығ наа олған сады азылды.
"Хоңыроӌах" олған сады "Демография" нацпроектче пiр чылға пӱдiрiл парған. Аның азыларын чиит iӌелер чидiкпин сахтааннар. Чоохтирға кирек, Пилтiрде кöп чиит сöбiре чуртапча. Пасха аалларнаң тиңнестiрзе, тоғыс орыннары даа анда кöп арах тиирге чарир. Че олған садында орыннар чохтаңар iӌелер тоғысха даа сых полбинчатханнар. Аннаңар пӱӱн аал чуртағӌыларының танығлығ кӱн.
Кибiр хоостыра, хайдағ даа наа учреждение азылчатса, пастап улуғ аалӌылар хызыл лентаны хыплапчалар. Пӱӱн олған сады пайрамни азылчатханда, хызыл лентаны Хакасия пазының орынӌызы Юрий Курлаев, Асхыс аймаа пазы Абрек Челтыгмашев паза "Хоңыроӌахсар" чöрiп пастаан палаларның пiрсi Даша Брикун хыплааннар.
Соонаң аалӌыларға наа олған садынӌа экскурсия иртiрiлген. Iкi хадыллығ ӱгредiг учреждениезi прайзының кöңнiне кiрген. Чарых, истiг группалар кiзi хараан öрiндiрген. Амды Пилтiр аалның иң кiчiг чуртағӌылары хынып олған садынзар чöр турарлар.
Автор :
Ольга Томочакова
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 1 | 2 | 3 |
Кӱн таңмазы
Хакасияда
Россияда
Тилекейде