ЧАРАДЫҒЛАР ХАЙДИ ТОЛДЫРЫЛЧАТХАНЫ - АЛЫНҶА СЫНЫХТАҒДА
18.08.2017
Хабарлар
Хакасияның Ӧӧркі Чӧбі сессиялардағы «правительство чазы» соонаң алылған парламент чарадығлары хайди толдырылчатханын алынҷа сыныхтағда тутча.
Іди халғанҷы июньдағы сессияда Хакасияда «Доступная среда» программаны чуртасха кирер тоғыстаңар иділген сан пирістің салтарларынҷа толдырығлығ ӱлгӱ органнарына пирілген чӧптер прайзы даа толдырыл парғаннар.
«Законнар сығарар тоғыснаң айғасчадып, піс парламенттің сыныхтағлығ тоғызынаңар ундутпинчабыс. Ол сыныхтағ «правительство чазында» искірілген сан пирістің салтарларынҷа алған чарадығларыбысты Хакасия правительствозы хайди толдырчатханын кӧрерінде полча. Прай сурығларны піс сыныхтағда тутчабыс, салтарларын кӧрчебіс паза оларны правительствонаң хада толдырарына кӱс салчабыс, - таныхтаан Хакасияның Ӧӧркі Чӧбі кнезінің орынҷызы Сергей Комаров. - Хакасияның правительствозына Ӧӧркі Чӧптің чарадығларын чуртасха кирерінҷе чапчаң тоғынчатханы ӱчӱн алғызым читірерге сағынчам».
Хайди сан пиріс иткен республика правительствозы, Хакас Республиканың 2017 чылға паза пландағы 2018 - 2019 чылларға «Доступная среда» хазна программазының кӧстегліг кӧзідіглерін санаҷаң методика пӱӱлгі чылның 28 июльында тимнелген паза чарадыға алылған. Хазна программазының кӧстегліг кӧзідіглерін иртірілҷең мероприятиелерге килістіре идердеңер чахығ толдырылған.
Республиканың проекттер идер, пӱдіріг паза капитальнай тыхтағ сферазындағы нормативнай правовой акттарын федеральнай законға, хайзы кинектерге тураларзар кір полар оңдайлар ит пирер кирексіністерні турғысча, ідӧк толдырылған. 2017 чылның 1 сентябрьына теере социальнай инфраструктура объекттерінҷе искіріг Россияның «Хада чуртирға» сайтындағы кинектер кір полҷаң объекттернің интерактивнай картазынзар кирілер.
Ағбан городтың устағ-пастаана Ағбандағы ветераннар туразы хыринда автобус тохтаҷаң орын ит салардаңар пирілген чӧп ідӧк пӱӱл кӱскӱзін толдырыл парар. Хайди искірче Ағбанның мэриязы, тохтағ павильонының проекті тимнел парған, 21 августта тоғыстарны кем толдырарынҷа аукцион иртірілер.
Автор :
Хакасияның Ӧӧркі Чӧбінің хабарлар пӧлии
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде