ЧИИТТЕРГЕ ЧИР УЧАСТОГЫН ТИККЕ ПИРЕРІ УЗАРАДЫЛАР
20.09.2016
Хабарлар
Хакасияның пазы Виктор Зимин республиканың ис-пай паза чир хайызығлары министр Елена Соломонованаң тоғасхан. Тоғазығ тузында чуртағҷыларға чир участоктарын тикке пирҷең программаның сурығлары ӱзӱрілген.
- Пістің чииттерге хабасчаң программаны тохтадарға чарабас. Ол тоғысты узарадарға кирек, - таныхтаан Виктор Зимин, Хакасия Россияда чалғыс регион, хайда закон хоостыра чуртағҷыларның 6 категориязына чир тикке пирілче. Чир участоктары кӧп палалығ паза чиит сӧбірелерге, чиит специалисттерге, кизек чаалазығларда араласханнарға паза пасха алынҷа категорияларға пирілче.
Министрнің искіриинең, программа тоғынчатхан тусха республикада 8 муңҷа чир участогы пиріл парған. Пӱӱнгі кӱнде кӧп участоктығ чирлер Хубачарда, Ағбан пилтірінде паза Солнечнай аалда ӱлестірілче. Ідӧк Харатас городтың алтынзархы-кидеркі саринда участоктар тимнелче.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде