Алиса Алексеевна КЫЗЛАСОВА-БОРГОЯКОВА
15.06.2016
Хабарлар
![Алиса Алексеевна КЫЗЛАСОВА-БОРГОЯКОВА Алиса Алексеевна КЫЗЛАСОВА-БОРГОЯКОВА](/upload/iblock/653/65302297a5cdb7590ce024b8c9ac34cc.jpg)
Хакасияның театр искусствозында улуғ чідіріг - ӱр ағырған соонда ах чарыхтаң парыбысты Хакасияның чон артизі, Россияның саблығ артизі, драматург, Россияның писательлер пірігізінің кізізі, Россияның театр тоғынҷылары пірігізінің кізізі
Алиса Алексеевна КЫЗЛАСОВА-БОРГОЯКОВА.
Хакасиядағы А.М.Топановтың адынаң драма театрында ол 45 чыл тоғын салған, чӱзерлеп аймах рольлар толдырған. Алиса Алексеевнаның чарых чуртазы пӧзік искусстваа паза чонына чарыдылған. Аймах ойыннарда аралазып, Хакасияның, Россияның, Турцияның, Финляндияның паза даа пасха хазналарның кӧрігҷілерін позының узынаң хайхатхан.
Алиса Алексеевна ойыннар пасчаң. Оларны аймах режиссерлар турғысханнар. Ідӧк саблығ артист нинҷе-де хоос фильмде суурынған.
Чон хынчатхан артистнең анымҷохтазары 16 июньда А.М.Топановтың адынаң драма театрында 11.00 - 12.00 часта иртер.
Автор :
Хакасияның культура министерствозы
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде