ХАКАСИЯНЫҢ СТУДЕНТТЕРІ - КРЫМДА
15.06.2016
Хабарлар
Хакасияның «Косари» аал хонии студенттер отряды Крымзар тоғынарға парыбысхан. Олар анда 15 июньнаң 25 августха теере Фрукттар компаниязының объекттерінде тоғынарлар.
Чайғы туста Крымда фрукттар чыырында тоғынҷаң кізілер чидіспинче. Пӱӱл андар тоғынарға Россияның 23 регионынаң 450 чиит оол-хыс килер. Хакасиядаң андар 10 студент парыбысхан. Олар анда вишня, персик, абрикос паза даа пасха фрукттар теерерлер.
Таныхтирға кирек, пӱӱл чайғызын аал хонии отрядынаң пасха, ідӧк ӱгретчі, пӱдіріг паза даа пасха специальностьтарға ӱгренчеткен студенттер тоғынарлар. Іди «Парчыхтар» пӱдіріг отряды Амур облазындағы «Восточный» космодромның пӱдіриинде аралазар, Ялтадағы гостиницаларда істенерге «Колибри» чииттер отряды парар. Хай пірее чииттер, тізең, Хакасияда тоғынарлар. Іди наа пӱдірілчеткен музей-культура кінінде чииттер амох істенчелер, 1 июльдаң Ағбандағы Перинатальнай кінні пӱдірерге полызып пастирлар. «Ирбис» ӱгретчі специальнозына ӱгренчеткеннер отряды Хакасиянын, паза Хызылчар крайының ӱстӱнзархы аймахтарындағы лагерьлерде вожатайлар паза воспитательлер полып тоғынарлар.
Пӱӱл чайғызын тиксі Хакасиядаң 200-ке чағын студенттің аймах сфераларда істенері кӧрілче.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде