Идiнҷектерге – чайғы ярмаркалары
07.06.2022
Хабарлар
Пӱӱл чайғызын республиканың идiнҷектерiне «Хакасияның ынағ пос кирее!» орындағы ниме-ноо ярмарка-кӧзiдiглерi пастағызын на иртер. Хандых айының 11-ҷi кӱнiнде аны Хубачарда азарлар, хандых айының 25-ҷi кӱнiнде – Саяногорскта, от айының 16-ҷы кӱнiнде – Ағбан пилтiрiнде.
– Ярмарка идiнҷектерге сығарчатхан ниме-ноозынаң паза полызығларынаң таныстырарға, iдӧк хада тоғынар наа арғыстарны табарға, ниме-ноонаң,
полызығларнаң тузаланар наа кiзiлернең паза конкуренттернең танызарға оңдай пирер, – чарытча Хакасияның тилiс чыындызының устағҷызы Денис Пауль. – Аннаң пасха, ярмаркалар салтарынҷа араласчыларның ниме-ноозының паза полызығларының каталогын сығарарға пӧгiнчебiс. Ол идiнҷектернiң пос киреен сабландырарға полызар.
Ярмаркада тикке аралазарға чарир, че азынада санға турарға киректелче, аның ӱчӱн пу ссылкаларҷа иртiңер:
хандых айының 11-ҷi кӱнiне: https://clck.ru/h3As5
хандых айының 25-ҷi кӱнiне: https://clck.ru/q2J44
от айының 16-ҷы кӱнiне: https://clck.ru/q2J66.
Ярмарка-кӧзiдiгдеңер толдыра искiрiгнi Хакасияның тилiс чыындызының «iзiг» линиязының пу телефонынҷа пiлiп аларға чарир: 8-800-350-37-53.
Автор :
Наталья Субракова
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде