Культура паза спорт мероприятиелерi айландырылча
11.02.2022
Хабарлар
Пӱӱн республикада тоғынчатхан оперативнай штабтың теестегi чыылии ирткен.
Чыылығда Хакасияның культура министрі Светлана Окольникова 2022 чыл Археология чылы полчатханынаңар таныхтаан. План хоостыра ол мероприятиені февраль айның халғанӌы кӱннерінде пайрамни азарға сағызынаң ӱлескен. Ол Н.Г.Доможаковтың адынаң национальный библиотеканың конференц-залында иртер, хайзында 60-ға чағын араласчы поларға кирек.
14 февральдаң культура паза спорт мероприятиелері иртірілер. Культура мероприятиелерi иртірілчетсе, кöрігӌілернің саны 50 % кöп полбасха кирек. Ит ізиин, QR-код сыныхтирлар паза хайди даа маскалығ поларға кирек. Спорт мероприятиелерінде кöрігӌiлер чох поларға кирек. Араласчылар ідöк прай сыныхтағларны иртерлер.
Штаб чыылииның танығларынаң, Хакасияда халғанӌы суткада "коронавирус" диагнозтығ 1208 кiзi хазыхтанып алған. Олох туста 1012 кiзi COVID-19-наң ағырыбысханынаң киречiлелген:
- 57 кiзi ОРВИ пiлдiрiглерiнең айланған;
- 22 кiзiде ағырығ планӌа сыныхтағ тузында iлезiне сығарылған;
- 1 кiзi пасха регионда, пасха хан чирiнде чухтырып алған.
Чыл пасталғанынаң Хакасияда коронавирусты тиксi 16106 чуртағӌы чухтырып алған. Инфекция тарапчатханының коэффициенті тöрт кӱнге - 0.9, читi кӱнге - 1.5.
Ибде 14115 (+356) кiзi имненче. Стационарда - 990 (+29) кiзi, оларның 14-i - ИВЛ-да.
Хакасияда «коронавирус» диагнозтығ 6 кiзi ах чарыхтаң парыбысхан. Ӱрееннернiң аразында 65, 74, 79, 82 частығ ипчiлер паза 67, 90 частығ иреннер.
Тиксi чыл пасталғанынаң сығара 154 кiзi наа чуғынӌах ағырығдаң ӱреен.
Автор :
Кристина Боргоякова
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде