Аалдағыларға - имнег полызии
12.01.2022
Хабарлар
Таңда, 13 январьда, кӧс чӧрҷең ФАП 13.00 часта Пии аймаандағы Киндірліг пилтірі аал чуртағҷыларының хазиин сыныхтир.
2021 чылда Хакасияда «Хазых хайраллиры» нацпроектче имнег организацияларны кӧс чӧрҷең комплекстернең тиріндірерінҷе программа чуртасха толдыразынаң кирілген. Кӧс чӧрҷең комплекстер кічіг ааллардағыларға имнег полызиин пиреріне кӧрілгеннер.
Республиказар кӧс чӧрҷең 24 имнег комплексі читірілген: 7 ФАП, 8 флюорограф, 5 маммограф, 4 стоматология колмплексі.
Имнег комплекстері аймахтарға пиріл парғаннар. Орджоникидзе, Ағбан пилтірі паза Асхыс аймахтарына - тӧртер оборудование (флюорограф, ФАП, маммограф, стоматология комплексі), Шира аймаана - 3 оборудование (флюорограф, ФАП, стоматолгия комплексі), Таштып чиріне - 3 оборудование (флюорограф, ФАП, маммограф), Боград аймаана - 2 оборудование (флюорограф, маммограф), Алтай паза Пии аймахтарына - 2-ер оборудование (флюорограф, ФАП).
Кӧс чӧрҷең имнег комплекстері республика чуртағҷыларының 40 процентіне пастағы имнег полызиин пирер оңдай тӧстепчелер. Амды чуртағҷыларның хазии ӧткін сыныхталча.
Андағ комплекстерні аларына федеральнай бюджеттең 169 млн салковай позыдылған, республика бюджедінде хоза 105 млн салковай кӧрілген. Кӧс чӧрҷең комплекстер имнег тураларының чылығ гаражтарында хайраллалчалар.
Автор :
Валерия Агафонова
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде