«ХАКАС ЧИРІ» -АЛТЫН ЧЫЫНДЫДА
12.01.2022
Хабарлар
Наа чыл алнынча пістің газетаның ӧмезі ӧріністіг хабар алған: «Хакас чирі» газета прессаның алтын чыындызына кирілген паза аның аарластығ таниина турысхан.
2022 чылда «Прессаның алтын чыындызы» танығны позының пастағы страницазында турғызарға Россияның 123 газета-журналына чарадылған, ол санда пістің «Хакас чирі» газетабыс.
Тиксі Россияның печать сығарыстары аразындағы марығны Россияның Федеральнай Чыылииның Федерация Чӧбінің, Россияның печатьча паза чон коммуникациязынӌа федеральнай агентствозы хабазиинаң «Журналист» журналның редакциязы паза марығ устағ-пастааның оргкомитеді иртірчелер. Ӧнетін тӧстелген эксперттер чӧбі марығ араласчылары аразында иң чахсы тимнелчеткен, хығырығӌыларға прай саринаң тилирге полысчатхан газета-журналларны таллапча. Паалағ тоғыс аймах кирексінісче турғызылча.
Чыл сай чиңісчілерні паза араласчыларны Москвада «Россияның чахсы синніг СМИ-зы паза аның тиліс оңдайлары» деловой форумда чеестепчелер. Кибірли форум апрель айда иртче.
Автор :
Наталья СУБРАКОВА
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде