Ӱлгӱ паза бизнес пiр чöптiг
14.07.2021
Хабарлар
Пӱӱн Ағбандағы "Минiң пос киреем" кiнде Хакасияның ӱлгӱзi республиканың кiчiг паза ортын бизнес кiзiлерiнең тоғазығ иртiрген. Ööн сурығ - коронавирус пандемиязында хайди пос киреен апарарға.
Прайзына пiлдiстiг - чуғынӌах ағырығ тараттырбас ӱчӱн аймах хатығластар кирiлче. Анзы имнег тураларына, имӌiлерге тоғынарға аар полбас, чуртағӌыларның чуртастарын хайраллап халар ӱчӱн идiлче. Че мындағ хатығластар iдöк пос киреенең айғасчатханнарға аар чухча. Ööнiнде чонны азырапчатхан заведениелерге, ол кафелер, рестораннар, барлар паза даа пасхазы. Олар амды бизнестерiн тилiдердеңер сағынминчалар даа, оларның ööн пöгiн - пос киреен чiдiр салбин, пуох синде тут халарға.
- Хай пiрее регионнар локдан кирiп пастабысханнар. Хакасия пу чолӌа парарға хынминча, -таныхтаан тоғазығда Хакасия пазы Валентин Коновалов, - наа хатығластар кирбес ӱчӱн, пiске прайзына санитарнай нормаларға тудынарға паза вакцинадаң тоғыр полбасха кирек.
Хакасияның пос киреенең айғасчатхан идiнӌектер, Хакасияның правительствозына хабазып, тиксi iстенiс öменең коронавирустаң прививка турғыстырчалар паза Роспотребнадзорның чахығларын толдырчалар.
Хакасия пазы Валентин Коновалов, тiзең, чонны азыраӌаң заведениелернi хабасчаң оңдай таап саларға чахығ пирген, кöзiдiмге тоғынар тусты 23.00 часха теере узарадардаңар.
Автор :
Оксана Сунчугашева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде