Елена Вяльбе Хакасияда «Россияның кӱзі» марафонға хозылар
29.02.2024
Хабарлар
Пістің хазнада 13 февральдаң «Россияның кӱзі» хысхы марафоны иртче. Аның ӧӧн пӧгіні – чуртағҷыларны хазых чуртасха тартары.
Хакасия чӧрімде ӧткін араласча. Марафон хоостыра турнирлар республиканың город-аймахтарында иртчелер. 1 мартта спортсменнер теестегі марығларға чыылызарлар. «Саяны» стадионда «Тӧллер матчы» меспектіг хоккейҷе ойыннар иртер, Н.Г. Булакиннің адынаң спорткомплексте, тізең, пайрамнығ мероприятие. Анда Россияның саналығ чӱгӱрерінҷе федерацияның президентті, ӱс хати олимп чемпионны Елена Вяльбе аралазар. Елена Валерьевна Хакасияда хаҷаннаң пос кізіне саналча. Пеер пастағызын на сборларға ол 14 частығда килген. Елена Вяльбенің республика спортында ла нимес, халых чуртазында хозымы улуғ. Кӧзідімге, 2019 чылда саблығ спортсменні Тиксі Россиядағы чон фронтының Хакасиядағы пӧлиинің кнестерінің пірсіне тапханнар. Республиканаңар ол чоохтапча:
– Минің чуртазым Хакасияның пик палғалыс парған. Аны ӧңнензін тіп сағынчам. Аннаң андар республикаа туза ағыларға пӧгінчем.
Марафон марттың ортызына теере парар. Программада меспектіг хоккейҷе республиканың азых турнирі. Марығ ветераннарға кӧрілген, ол Ширада иртер. Ідӧк чонны армиядағы азах-холнаң тудысча турнир, чир спортча Сибирьнің марии сағыпча.
Автор :
Тимнеен Майя Кильчичакова
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде