КЭФ’23: Чылығ читiрҷең сетьтер нааҷылалча
03.03.2023
Хабарлар
Киҷее Хакасия пазы Валентин Коновалов iдӧк СГК-ның паза СУЭК-тың ӧӧн директоры Максим Басовнаң тоғасхан. Азығ айынаң пасти Максим Дмитриевич СГК-ның наа устағҷызы полча, iдӧк ол СУЭК-тың ӧӧн директор тоғызын толдырар.
Тоғазығ ӱзӱриине Хакасия правительствозы паза СГК чуртасха кирчеткен проекттер сығарылған, ол санда Хубачарда наа котельнайның паза чылығ читiрҷең сетьтернiң пӱдiрии, Ағбан пилтiрi, Расцвет паза Тепличнай поселоктарда, iдӧк Зеленай аалда чылығ читiрҷең сетьтернiң нааҷылалчатханы.
– Наа хысхы тусха тимненiп, коммунальнай инфраструктураны нааҷылирынҷа, наа социальнай пӱдiрiглернi паза тураларны тимге сығарчатса, чылығ паза суғ тартарға оңдай пирерiнҷе паза Ағбан, Харатас городтардағы, аның ибiркi поселок-ааллардағы алынҷа тураларны Ағбандағы ТЭЦ кӱзiне хозар оңдайларҷа сурығларға алынҷа хайығ айландырылған, - чарытхан Валентин Коновалов.
Тоғазығ тузында пастыхтар пасха даа сурығларға теелгеннер. Кӧзiдiмге, хара тасты iскеркi саринзар экспортха сығарарынҷа сидiксiнiстернi пӧгерiне, экология сурығларына, республика чуртағҷыларына ызы чох хара тасты сығарарына паза пасха даа сурығларға.
Автор :
Тимнеен Наталья Сюптерекова
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде