Пастағы автомобиль клӱзі читіріл парды
16.03.2024
Хабарлар
Пӱӱн Хакасияның садығ-промышленность палатазының "Хада таапчабыс!" чӧрімінің пастағы ойыны иртті. Ол "Ағбан-24" телеканалда кӧні эфирде иртірілген.
Пастағы ойынға Ағбан городта Россия президенті табығларында, "Ағбанға Хакасияның ӧӧн город адын пирердеңер" республика законын алардаңар сурастырығда паза "Городтағы осхас истіг оңдайлар тӧстирі" программаа кирілер орыннарға ӱн пирерінде араласхан чуртағҷыларның купоннары араласхан.
Хакасияҷа ТПП-ға кірчеткен идінҷектер 200-че сыйых тимнеп салғаннар. Сыйыхтар табығларның ӱс кӱніне чарылғаннар. Іди киҷее ӱн пиргеннер аразында мындағ сыйыхтар ойналған:
- театрзар 10 билет;
- 6 хыйға колонка;
- "Ағбан" паза "Тепсей" спорт комплекстерінзер абонементтер;
- микроволновкалар;
- 2 мотоблок;
- 2 триммер;
- чалаң чӧрҷең школаның сертификаттары;
- ибдегі техникаа 14 сертификат;
- 1 холодильник;
- 1 телевизор;
- 1 автомобиль.
Чоохтирға кирек, автомобильні Ағбан город чуртағҷызы Сергей утып алған. Хайди ағаа клӱс читіргенін кӧзідігде кӧріп аларға чарир.
Кем, тізең, кӧні эфирні кӧрбеен, аның кӧзідиин пу ссылкаларҷа таап алар:
Таңда, тізең, сыйыхтар пӱӱн паза таңда ӱн пиргеннер аразында ойналар. Кӧні эфирлер "Ағбан 24" телеканалда 10.00 часта паза 22.00 часта иртірілерлер. Телеканал 22 кнопкада алай аналог каналында 37 кнопкада тоғынча.
Кӧзідігні ідӧк телеканалның Ютубтағы, Рутубтағы каналларда паза социальнай сетьтердегі группаларда кӧрерге чарир.
Автор :
Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде