Хакасияда Халыхтар сыныхтаа кіні азылған
15.03.2024
Хабарлар
Табығлар-2024
Пӱӱн, Россия президентіне табығларның пастағы кӱнінде, Ағбанда Халыхтар сыныхта кіні (ЦОН) азылған. Табығлар хайди парчатханын сыныхтағда тутчатхан кін Хакасияның халыхтар палатазының кибірліг проекті полча, хайзы 2018 чылдаң сығара табығларда тоғын сыххан. Аның ӧӧн кӧстее – чуртағҷыларның табығ праволарын арачылиры, ӱн пиріс азых паза сын оңдайнаң иртчеткенін сыныхтағда тудары. ЦОН кибірли Л.Р.Кызласовтың адынаң Хакас национальнай чир-суғ ӱгренҷең музейде орныххан.
Халыхтар сыныхтаа кінін пайраманығ азарында Хакасия пазының пастағы орынҷызы Татьяна Курбатова, Ӧӧркі Чӧп кнезінің пастағы орынҷызы Петр Воронин, Россияның Федерация Чӧбінің Хакасиядаң сығара сенаторы Александр Жуков, республиканың Табығ комиссиязының кнезі Александр Чуманин паза Халыхтар палатазының кнезі Ольга Левченко араласханнар. Олары прайзы пу табығлар танығлығ паза Россияның таңдағызынаң палғалыстығ полчатханын таныхтааннар. Аннаңар прай чуртағҷыларны табығ участоктарынзар киліп ӱн пирерге хығырғаннар.
Хайди чоохтап пирген Халыхтар палатазының кнезі Ольга Левченко, ЦОН ӱс кӱн изере, 15-17 мартта, тынағ чох хараа-кӱнӧрте тоғынар. Кіннің тоғызында волонтёрлар, Халыхтар штабының араласчылары, техник специалисттері араларзарлар. Кінде алты эксперт ӧмезі тоғынар: дистанционнай, мониторинговай, «Ізіг линия», искірігліг, юридическай паза кӧрігҷі-сыныхтағҷыларнаң тоғынҷаң ӧме. ЦОН-да прай табығ участоктарынаңар искіріглер чыылча, ӱн пиріс хайди парчатханы видеокамералар пастыра сыныхтағда тудылча.
Таныхтирға кирек, Ростелеком Халыхтар сыныхтаа кініне пу табығларны сыныхтағда тударына 380 артиинаң видеокамера пирген, олар прай табығ участоктарында турғызылғаннар. Республикада тиксі алза, Хакасияның Табығ комиссиязы искіриинең, 375 табығ участогы азылған.
Сомнар Дмитрий Сунчугашевти
Автор :
Альберт Толмашов
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде