Прай ӱлгӱ органнарына тоғыс кӧстее
29.02.2024
Хабарлар
Президент айланызы. Россия президенті Владимир Путин, Федеральнай Чыылығзар айланып, хазнаның чағынғы алты чылына кӧcтеглер турғысхан. Айланысча сағыс-кӧрістерінең ӱлескеннер республика пастыхтары
Ӧӧркі Чӧп кнезінің пастағы орынҷызы, Хакас чонының Улуғлар чӧбінің кнезі Пётр Воронин:
– Владимир Владимирович Путинның полған на айланызы – ол прай ӱлгӱ синнеріне тоғысты айныдарға кӧстег. Президенттің прай чӧптері паза пастағлары тоғынҷаң программаларнаң паза ахчанаң тыыдылғаннар.
Пу айланыс пістің ыырҷыларыбысха кӧзідігліг. Хазна пазы искірген пӧгіннер паза кӧстеглер, хайзылары хайди даа чуртасха кирілерлер паза пӧгілерлер, – санкцияларға паза хатығластарға нандыриибыс. Россияны хайди даа пазырарға кӱстенгені – ол хазнаны тилідерге паза піріктірерге хоза кӧстег.
Пістің президент регионнарда школалар паза олған садтары хайдағ синдезін пілче паза оңарча. Аннаңар аның олған садтарын тиксі тыхтаҷаң программаны тоғындырарынҷа пастаа уғаа кирек. Проект 2025 чылдаң сығара чуртасха кирілер. Регионнарда олған садтарын паза школаларны тиксі тыхтирына федеральнай бюджеттең хоза 400 миллиард салковай позыдылар.
Ниме паза уғаа кирек – Президент чарлаан, регионнарға бюджет кредиттерінің 2/3 чардығы чабылар. Хакасияа, тиксі хазна ӧдізі 25,6 миллиард салковайға тиңнелчеткен, ол санда бюджет кредиттеріне 20,6 миллиард килісчеткенде, пу пастағ уламох тузалығ. Президенттің пастаа – республикада инфраструктура проекттерін чуртасха кирерге ахча тапчаң паза Хакасияны тилітчең чахсы оңдай.
Сом Пётр Ворониннің ВКонтакте социальнай сетьтегі страницазынаң алылған
Автор :
Тимнеен Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде