Прайзыбыстың пірге пӧгіні – Чиңіске прай ниме идерге
29.02.2024
Хабарлар
Президент айланызы. Россия президенті Владимир Путин, Федеральнай Чыылығзар айланып, хазнаның чағынғы алты чылына кӧcтеглер турғысхан. Айланысча сағыс-кӧрістерінең ӱлескеннер республика пастыхтары
Хакасияның Ӧӧркі Чӧп кнезі Сергей Сокол:
– Айланыстың ӧӧн сурығларының пірсі ӧнетін чаа операциязы полыбысхан. Владимир Путинның таниинаң, пістің Тирігліг кӱстер морсымнығ чаа опыдын алып алғаннар.
«Донбасстағы пу чааны піс нимес пастаабыс, че піс аны тохтадар ӱчӱн, ӧнетін чаа операциязының пӧгіннерін тооза толдырар ӱчӱн прай ниме идербіс», – таныхтаан президент.
Владимир Владимирович пістің арачылағҷыларға, матырларыбысха алынҷа хайығ айландырған. Хазна пазы, матырларыбысха, оларның ипчілеріне, іҷе-пабаларына паза палаларына хабазарына прай ниме идерге киректеп, прай синдегі ӱлгӱ органнарынзар айланған.
Президент пос чооғын матырларыбысха алғыс сӧстерінең пастаан паза оларзар айланызынаң тоосхан. Хайди таныхтаан Владимир Владимирович, сын элита – ол Россияа служить полчатханнар. Россияа киртінізін пос киреенең киречілеен істенҷілер, чааҷылар.
Минің кӧрізімнең, ол тиксі чоохтың иң не киртістіг паза орта тании. Чахсы чуртас, хорғыс чох полары, хазна суверенитеді – ол прай чааҷыларыбыстың иңніне артылған.
Прайзыбыстың пірге пӧгіні – Чиңіске прай ниме идерге. Пістің ӧӧн кӱзібіс – пірге паза чӧптіг тудынғаныбыста.
Аннаңар ідӧк президент чоохтапча: «Піс пір улуғ сӧбіре. Піс хадабыс, аннаңар прай нимені пӧгінчеткен паза сағын салған оңдайҷа толдырарбыс. Пістің чиңіске, чидіглерібіске, Россияның таңдағызына киртінчем!»
Сом Хакасияның Ӧӧркі Чӧбінің сайтынаң паза Сергей Соколның ВКонтакте социальнай сетьтегі страницазынаң алылған
Автор :
Тимнеен Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде