Тӧрт кандидат полар
14.02.2024
Хабарлар
Россияның Ӧӧн табығ комиссиязының кнезі Элла Памфилова президент табығларында нинҷе кандидат аралазардаңар искірген
Россия Федерациязының президентіне табығларда кандидаттар саны хызырыл парды. Россияның Ӧӧн табығ комиссиязы (ЦИК) ирткен неделя тоозылчатханда, чыылығ иртіріп, хазна устағҷызына табығларға тӧрт кандидатты пічікке кирердеңер чарадығ алыбысхан. Табығ бюллетеньінзер кирілгеннер: Владимир Путин (пос посты сығарған кандидат), Леонид Слуцкий (ЛДПР), Владислав Даванков («Новые люди»), Николай Харитонов (КПРФ).
Россияның Ӧӧн табығ комиссиязының кнезі Элла Памфилованың искіриинең, ЦИК пасха кандидаттарны пічікке кирбеске чаратхан. Кӧзідімге, 8 февральдағы чыылығда Россияның Ӧӧн табығ комиссиязының араласчылары, киректелчеткен пічіктерні сыныхтаан соонаң, Борис Надеждинні («Гражданская инициатива»), Сергей Малинковичті («Коммунисты России»), Анатолий Баташевті (пос посты сығарған кандидат) паза Рада Русскихті (пос посты сығарған кандидат) пічікке кирбестеңер чарадығ алыбысханнар.
Аның алнында Сергей Бабурин («Российский общенародный союз»), Андрей Богданов («Российская партия свободы и справедливости») паза Ирина Свиридова («Демократическая партия России») Россия президентіне табығлардаң пос кӧңнінең суурыныбысханнар.
Автор :
Альберт Толмашов
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде