Аал хонии. Хакасияда таарығ тоғыстары узарадылча. Республиканың алты аймаа хыра тоғыстарын толдырча.

Пӱӱнгi кӱнге тоңастығлар паза бобовайлар 12,4 муң гектарда таарыл парғаннар, ол санда пуғдай – 9,1 муң гектарда, ас – 695 гектарда, сула – 2151 гектарда.

Пии аймаа пастағы орында. Анда 5,5 муң гектарда таарып салғаннар, ол санда пуғдайны – 3,3 муң гектарда, асты – 525 гектарда, суланы – 750 гектарда. Пӱӱнгi кӱнге аймахта планны 33,7 % толдырыбысханнар.

Iдöк 322 гектарда горохты таарып салғаннар.

Алтай аймаандағы хоныхтар 3,9 гектарда аймах öзiмнер таарып салғаннар. Пуғдайны – 2,4 муң гектарда, асты – 100 гектарда, суланы – 400 гектарда, горохты – 150 гектарда. Мал азиина кöп чыллығ оттар 90 гектарда таарыл парған, рапс – 765 гектарда.

Хакасияның алтынзархы аймахтары таарығ тоғыстарын пастабысханнар. Орджоникидзе аймаанда 2,4 муң гектарда тоңастығлар таарыл парған, ол санда пуғдай – 1,9 муң гектарда, сула – 470 гектарда. Шира аймаанда 934 гектарда пуғдай таарыл парған, сула – 263 гектарда, ах киндiр – 227 гектарда.

Iдöк Таштып паза Боград аймахтарында часхы таарығ тоғыстарын пастабыстылар. Боград аймаанда 723 гектарда тоңастығларны таарып салғаннар, Таштып аймаанда – 170 гектарда.

Республиканың хыраӌылары iдöк чирнi пораналапчалар паза минераллығ удобрениелерiн чайчалар. 18,5 муң гектарда минераллығ удобрениелер чайыл парған.

Тиксi таарығ тоғыстарын алза, олар 10,8 % толдырыл парғаннар.

Сом Дмитрий Сунчугашевти