Наа министрге – тӱзімніг тоғыс
26.07.2023
Хабарлар
Хакасияның экономика тилізі министрі Роман Ковтун
Ӱлгӱ. Хакасия пазы чарадиинаң республиканың экономика тилізі министріне Роман Ковтун турғызылған. Аның алнында ол министрнің тоғызын толдырған
Хакасия пазы Валентин Коновалов Роман Ковтуннаң паза ахча-экономика блогын хайығда тутчатхан орынҷызы Юлия Исмагилованаң хада тоғысчы тоғазығ иртірген.
Регион устағҷызы Хакасия ирткен чылны чахсы экономика кӧзідімнерінең тоосханын таныхтаан, алынҷа кӧстеглерҷе – рекордтығ кӧзідімнернең. 2023 чылның пастағы чарым чылында тоғыс ідӧк чахсы апарылча. Валентин Коновалов министерствоның алнында экономика тилізінҷе ӧӧн кӧстеглерні толдырарынҷа пӧгіннерні турғысхан.
– Піске пу чылда 2021 чылдаң сығара пар сыххан ӧзісті, кічіг паза ортын пос кирее субъекттері саны ӧсчеткенін, хайраллап аларға паза инвестицияларнаң ӧткін тоғынарын узарадарға кирек. Піс предприятиелерге хабазарын узарадарбыс, оларға алнынзар парарға, сығарысты ӧскірерге паза наа тоғыс орыннарын тӧстирге оңдай пирер ӱчӱн, – теен ол.
Валентин Коновалов Роман Ковтунның тоғыс хоостыра пӧзік узын, аның опыдын, нандырығлығ хылиин таныхтаан паза наа чидіглерге чит турарға алғаан.
Хакасия пазының орынҷызы Юлия Исмагилова Роман Ковтунға ідӧк чидіглерге чит турарға алғаан, аның пӧзік узын паза ол министерствоның тоғызын чахсыландырыбысханын таныхтаан.
Роман Викторович Валентин Коноваловха мындағ киртініс ӱчӱн алғызын читірген. Ол киртініcке турызар ӱчӱн паза тӧреен республиказына туза ағылар, аның экономиказын тилідер ӱчӱн прай кӱзін саларға молҷаан:
– Республика экономиказының таңдағызы чахсы тіп санапчам. Пістің прай даа кӧстеглерҷе ӧзіс. Ізенчем, мыннаң мындар піс ідӧк ӧзербіс.
Сом Хакасия пазы пресс-службазыни
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде
