Ӱс чылға 6,5 муң артиинаң кізі айланған
03.06.2026
Хабарлар
«Ада чир-суубыс арачылағҷылары» чыындының Хакасиядағы пӧлии
Матырлар тузы. «Ада чир-суубыс арачылағҷылары» хазна чыындызының пӧліктері регионнарда азылғаннаң ӱс чылын таныхтады
Пӱӱл 1 хандыхта ӱс чыл иртіп парды, хаҷан «Ада чир-суубыс арачылағҷылары» хазна чыындызының пӧліктері Россияның прай регионнарында азыл парғаннар. Чыынды СВО ветераннарына паза оларның чағыннарына полызығ пирер тиксі системаны тӧстеен паза тӧреміл тилітче.
– Пу тус аразына піс ӧнетін чаа операциязы ветераннарына паза оларның сӧбірелеріне хабазар саңай наа система тӧстеп алғабыс. Чыындының ӧӧн кӱзі – кізілер: социальнай координаторлар, регионнардағы командаларның устағҷылары, тоғынҷылары – прайзы, кем пістің оолларыбыснаң паза оларның чағыннарынаң хости полча. Оларның полызығ пирер чахсы сағызы, кӱстенізі сылтаанда, прай хазнаҷа муңар кізі чӧлег таапча, кирек полызығ алча паза ӧткін чуртассар айланча, – теен Россияның арачыланыс министрінің статс-секретарьы – орынҷызы, «Ада чир-суубыс арачылағҷылары» хазна чыындызының кнезі Анна Цивилева.
Чыынды СВО ветераннарына паза оларның сӧбірелеріне аймах кӧстеглерҷе полызығ аларына хабасча – имнег реабилитация иртерінең пасти тоғысха киреріне паза чииттерні патриотизмге ӱгредерге тартарына теере. Чыынды позының тоғызында ӧнетін чаа операциязы араласчыларының паза оларның чағыннарының нандырығлығ палғалызына тӧстенче.
Чыындының полызығ оңдайлары сыбыра алғыдылчалар. Пылтыр кӧрiк айынаң «Ада чир-суубыс арачылағҷылары» чыынды сағба чох чіт парған СВО араласчыларының сӧбірелеріне хабазығ пирче.
Пӱӱл сілкер айынаң «Ада чир-суубыс арачылағҷылары» чыынды «Штром Z» подразделениелерінің араласчыларына чаалазығлар ветераннарының удостоверениелерін аларға сурыныс пічіктерін алып пастаан. Ол удостоверениелерні пирердеңер чарадығ алча арачыланыс министерствозының комиссиязы. Амғы тусха 200 азыра чарадығ пирілген.
Чыындының республикадағы пӧлиинің ӱс чылдағы тоғызында полызығ сурып, 6, 5 муң азыра кізі айланған, олар 20 муң артиинаң сидікciністіг сурығ таныхтааннар. Оларның кӧбізі чарадыл парған.
«Ада чир-суубыс арачылағҷылары» чыындының Хакасияҷа пӧлиинзер пу адресче айланарға чарир: Ағбан г., Ленин ор., 56. Телефон: 8(3902)248-520.
«Ада чир-суубыс арачылағҷылары» хазна чыындызы Россия президенті Владимир Путиннің Указынаң тӧстелген. Аның ӧӧн пӧгіні полча СВО ветераннарына паза матырларның cӧбірелеріне полғанына ла алынҷа полызығ пирері. Специалисттер паза социальнай координаторлар арачылағҷыларға имнег паза социальнай реабилитация пирчеткенi ле нимес, олар ветераннарны хатап ӱгредерінде, тоғыс табарында полысчалар, юрист хабазиин пирчелер, чуртты кинектің кирексінiстеріне килістіре итчелер паза ибде оларны сыбыра кӧрчелер. Чыындынаң устапча Россияның арачыланыс министрінің статс-секретарьы – орынҷызы Анна Цивилева.
Сом r-19.ru сайттаң
Автор :
Елизавета Гончарова
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
