Табығларда хайди аралазарынаң танысханнар
20.05.2026
Хабарлар
«Хакасия матырлары». Хакасияның Табығ комиссиязы проект араласчыларына табығ правозынҷа паза табығ тоғызынҷа ікі занятие иртірген
Пастағы занятие Россиядағы табығларның пӱӱнгі оңдайларына паза стандарттарына чарыдылған.
Хакасияның Табығ комиссиязы кнезінің орынҷызы Ираида Чустеева табығларны тимнеҷең паза ӱн пирісте араласчаң ӧӧн правилолардаңар чоохтап пирген. Алынҷа табығларда ниме идерге чарадылбинчатханында тохтаан, ідӧк ӱн пиріс амғы тусха килістіре хайди нааҷылалчатханынаңар паза хайдағ аның оңдайлары парынаңар искір пирген. Ӧӧн тӧстегліг оңдайлардаң сығара лекция амғы тустағы табығларның стандарттарына кірібіскен. «Стандарттар пастыра халых чонның табығларға кирексінізі чуртасха кирілче! Ол, халых чон табығлар хайдағ поларын кӧрерге сағынчатханы, оларға киртінер паза оларда аралазар ӱчӱн», – таныхтаан Ираида Алексеевна. Лекция тузында кӧп сурығ пирілген, талазығлар даа пасталған, практикадағы кӧзідімнердеңер искірілген, амғы чуртастағы алызығлар ӱзӱрілген, ол санда Россиядағы технологиялар, хайзылары тилекейдегі табығ практиказында арам учурапчалар.
Ікінҷі занятие практикум кӧрімінең ирткен. Араласчылар Россияның Хазна Думазының депутаттарына пос посты сығарған кандидаттар полыбысханнар.
Оларға табығ кампаниязының планын тимнирге киректелген: табығлар чардыхтарын паза оларға турғызылған тустарны орта турғыс саларға.
Анаң табығларда аралазарға ынапчатханынаңар айланыстығ пічікті паза сығарысха киректелчеткен пічіктерні сыныхтабызарға киректелген.
Ӱзінҷі заданиеде араласчылар хол салыстарын чығҷаң листті ӱзӱргеннер, ол пічікті тимнирінде паза табығҷыларның хол салызында иділген алҷаастарны тапханнар.
Полған на задание табығ законодательствозының нормаларына тӧстеніп ӱзӱрілген. Аның тузында табығ законодательствозында хайдағ алызығлар пол парғанына, практика чӧптеріне паза кандидаттар удаа итчеткен алҷаастарға алынҷа хайығ салылған.
Пілдістіг, академическай пара тузына табығларда араласчаң прай пілістерні пир полбассың, че табығ кампаниязы сидік процесс полчатханын паза анда аралазарына кандидаттаң кӧп кӱс, сизік, тирең сағыс, пілістер паза чахсы тимненіс киректелчеткенін оңарып аларға чарир.
Сом авторни
Автор :
Хакасияның Табығ комиссиязының хабарлар пӧлии
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
