Хакасияда «Кöг. Хакас кöг тирiглерiн чыып ал» культура-ӱгредiглiг проект чуртасха кирiлче.

Анда олғаннарға мастер-класстар иртiрчелер хоосчы Лариса Баканова паза «Хан сын» öменiң араласчылары. Мастер-класстар тузында ӱгренӌiлернi хакас национальнай чир-суғ ӱгренӌең музейӌе экскурсияа ал чöрерлер.

Пастағы мастер-класс 17 сентябрьда 12.00 часта пасталар. Ол хакастарның иң хынчатхан кöг тириине – чатханға – чарыдылар. Россияның саблығ артизi Евгений Улугбашев олғаннарға, чатханнаң ойнап, хайлап пирер. Анаң хоосчы Лариса Баканова картоннаң кiчiг чатханны хайди идерiн кöзiдер.

Сом Анастасия Пачинани