Чечняның амыр чуртазын хадарчалар
30.10.2026
Хабарлар
Министр Владимир Генералов полицейскайларға служба апарарға чахығлар пирче
Ӱдезіг. Хакасияҷа МВД-ның полиция тоғынҷыларының піріктiрілген отрядын Алтынзархы Кавказсар теестегі командировкаа пайрамни ӱдескеннер
Пістің республиканың полицейскайларының піріктірілген отряды служебнай командировкаа пазох Алтынзархы Кавказсар парыбысты. Хакасияның право хайраллаҷаң органнарының тоғынҷыларын республиканың істіндегі киректер органнарының тоғынҷыларына – Илбек Ада чаа ветераннарына чарыдылған Сабланыс комплексі хыринда 27 чарыста пайрамни ӱдескеннер. Мероприятиеде Хакасияның Ӧӧркі Чӧп кнезі Cергей Сокол, Хакасия пазының орынҷызы Владислав Мингела, Хакасияҷа істіндегі киректер министрі, полицияның генерал-майоры Владимир Генералов, аның орынҷылары, МВД подразделениелерінің устағҷылары, республиканың iстіндегі киректер органнарының ветераннары чӧбінің кнезі Валентина Спирина паза командировкаа парчатхан полицейскайларның туған-чағыннары араласханнар.
Владимир Генералов позының чооғында Алтынзархы Кавказтағы киректерні чарытхан. Хайди ол искірген, пу регионда экстремист паза террорист пірігістері ам даа постарының сайбағлығ киректерін тохтатпинчалар. Аннаңар полиция тоғынҷыларына уғаа сизіктіг поларға, чоннаң чоохтазығларны сибер апарарға кирек.
МВД министрі, полицейскайларға чахығлар, чӧптер пиріп, службаны андағы регионда чахсы апарарға алғаан паза Хакасия полициязының пӧзік профессионализмін анда пазох кӧзіт пирерге чахаан. Ирткен чылларда республиканың полициязы Алтынзархы Кавказта позын чахсы саринаң сыбыра кӧзіт турған. Пістің полицейскайлар амды iдӧк чарым чыл Чечняда чонның амыр чуртазын хадарарлар.
Ам парчатхан отряд Чечен Республикада пуох син тус правопорядок хадарған отрядты алыстырар.
Сом Хакасияҷа МВД-ның пресс-службазыни
Автор :
Николай Султреков
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде



