Валентина Матвиенко – Хакасияда
18.10.2026
Хабарлар
Федерация Чӧбінің кнезі Валентина Матвиенко тоғыс чорығынаң Хакасиязар килді.
Чорых программазының пастағы орны – Боград аймаандағы имнег туразы. Аның наа туразы «Россияның хазых хайраллаҷаң пастағы звенозын нааҷылиры» федеральнай проект хоостыра сенаторларның ӧткін араласханынаң пӱдірілген.
Боград аймаандағы имнег туразының ӧӧн корпузының иңзерілчеткенінеңер аның ӧӧн имҷізі Елена Труфанова 2024 чылда парламенттің ӧӧркі палатазының пастаанынаң иртірілген аал істенҷілерінің пастағы Тиксі Россиядағы форумының пленарнай чыылиинда чоохтаан. Федерация Чӧбінің кнезі Валентина Матвиенко Россияның хазых хайраллаҷаң министерствозына республика пазынаң хада сах андох оңдайлар табарға паза наа тура пӱдіріп пастирға чӧп пирген. Улуғларға паза олғаннарға поликлиника туразы пір чылдаң асхынах тусха табырах пӱдірілчеткен конструкциялардаң пӱдірілген паза амғы тиріглернең тиріндірілген. Амды Боград аймаандағы имнег туразында наа стационар тузаланысха кирілерге тимнелче.
Тадар Тис аал Россияның ӧзенніг аалларының санына киріл парған, анзы наа имнег комплексі Хакасияның кӧп чуртағҷыларына имнег полызиин читкіҷе пиреріне уламох кирек полчатханын таныхтапча.
Республика пазы Валентин Коноваловнаң хада Федерация Чӧбінің кнезі тоғынчатхан поликлиниканы кӧрібізер, тоғынҷыларнаң паза килген кізілернең чоохтазар, наа корпуста пӱдіріг тоғыстары хайди парчатханын паалир.
Республика правительствозында иртер тоғазығда Валентина Матвиенко регионның чуртас-экономика тилізінің сурығларын, национальнай проекттерні паза федеральнай программаларны чуртасха кирілчеткенін ӱзӱрер.
Чорых тузында ідӧк нинҷе-де чонға кирек пӱдірігзер – Г.Я. Ремишевскаяның адынаң Республиканың клиническай имнег туразынзар паза Л. Р. Кызласовтың адынаң Хакас национальнай чир-суғ ӱгренҷең музейінзер – парары кӧрілче.
Мероприятиелерде Федерация Чӧбінің кнезінің орынҷызы Инна Святенко, Хакасияның сенаторлары Олег Земцов паза Александр Жуков, федеральнай паза региондағы ӱлгӱ органнарының кізілері аралазарлар.
Сом Федерация Чӧбінің пресс-службазыни
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 28 | 29 | 30 | 31 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
