Бензин чохтаңар тоғысха сых полбааннар
14.10.2026
Хабарлар
Cӧп-сап сурии. Хакасия пазының орынҷызы Дмитрий Бученик республикада ТКО-ны сығара тартары ноға тохтадылғанын чарыт пирген
10 чарыста Абазада, Саяногорскта паза Ағбанның чардығында ТКО-ны сығара тартар ӱчӱн нандырчатхан перевозчиктің топливо карталарынаң палғалыстығ системада сайбағ пол парған. Аның сылтаанда сӧп-сап тартчаң машиналар тоғысха сых полбааннар.
ГСМ пирерінең палғалыстығ сурығны 11 чарыстох пӧгібіскеннер.
– Пістің партнерларға, «Роснефть» компанияа паза ХТК-наң палғалыстығ нимес операторға алғызым читірчем. Олар айланыстарға чапчаң хайғаннар, суткаа пирілчеткен лимиттерні ӧскірібіскеннер паза кирек чӧптезіглерні тимнебіскеннер, – искірген Дмитрий Бученик.
12 чарыста Абазада, Саяногорскта паза Асхыс аймаанда сӧп-сапты сығара тартар тоғыс тыыдылған режимде апарылған, 13 чарыстаң Ағбанда паза Саяногорскта чыыл парған сӧп-сапты сығара тартарын узаратханнар.
Азынада сананыстарҷа, 14-15 чарыста прай тоғыстар график хоостыра апарыл сығарлар.
– Піс чуртағҷыларның сағыссырастарын оңарчабыс. Системада техника саринаң сайбағ пол парған, андағ ниме полбаан тіп чоохтанары орта полбас. Че техника саринаң сайбағ паза коллапс – ол пір ниме нимес. Региондағы оператор пос тоғызын тохтатпаан, сығысхан сидіксіністер амох пӧгілчелер. Хомзынысха, алынҷа политика кӱcтері сығыс килген сидіксіністернең пос кирексіністеріне килістіре тузаланарға кӱcтенчелер. Амғы туста чонны ӧкпелендіреріне нимес, сурығны пӧгеріне хайығ саларға кирек, – таныхтаан Дмитрий Бученик.
Хакасия пазының орынҷызы чуртағҷыларны ӱр нимес тусха сығыс килген сидіксіністерге піліснең хайарға сурынған паза графикті оңдайлирынҷа киректелчеткен прай тоғыстар апарылча тіп ізендірген.
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде
