Хазна чоны пiр чӧптiг ползын
13.10.2026
Хабарлар
Чииттер неделязының араласчылары
2026 чыл – Россияның чоннары пірікчеткен чыл. Пу кӱннерде Хакасияда «Россия нациязының хада-пірге полчатханын тыыдары» региондағы чииттер неделязы иртче. Ол Россияның чоннары пірiкчеткен чылға чарыдылған
«Россия нациязының хада-пірге полчатханын тыыдары» региондағы чииттер неделязы Н.Ф.Катановтың адынаң Хакас хазна университедiнде азылған. Чыылығ араласчыларынзар айланып, республика пазы Валентин Коновалов Хакасия пурунғыдаң сығара аймах-пасха чоннарға паза культураларға чылығ иб пол парған, кибірлерге, тілге паза киртініске удуртӧдір улуғлас чӱс чыллар кізілерге чӧптіг чуртирға паза таңдағызын пӱдірерге полысхан – ана анзы республиканың паза Сибирьнің не нимес, че прай хазнаның амыр чуртазының тӧстее полча тіп таныхтаан.
– Тастындағы хығыртығлар тузында пӱӱнгі кӱнде чииттернің постарын пір хазнаның гражданнары чіли толдыразынаң пілінері, Ада чир‑суубыстың ӱлӱзі ӱчӱн нандырығ тудары паза Россияның духовно-нравственнай ориентирлерінің аарлазын оңарары уғаа кирек. Ізенчем, пу неделя Россияның кӧп нациялығ чоннарының пір чӧптіг полчатханын пиктиріне паза пір хаалағ полар! – таныхтаан Валентин Коновалов.
Аның араласчылары ӱгредіг учреждениелерінің ӱгретчілері паза студенттері, толдырығлығ ӱлгӱ органнарының паза «Россия чоннарының ассамблеязы» тиксі Россиядағы халых-хазна организациязының региондағы пӧлиинің кізілері полчалар.
Неделя тооза мероприятие араласчыларын ӱгредіг площадкалары, интерактивнай паза культура-чарыдығлығ сессиялар сағыпчалар. Программа чоннар аразындағы ынағласты пиктиріне, этноконфессия палғалыстарны тилідеріне паза республика чииттерін чир-сууна хынарға ӱгредеріне кӧстегліг.
Неделяның тӧстегҷізі Н.Ф.Катановтың адынаң Хакас хазна университедіндегі чииттернің ӧткін гражданскай кӧрізін тӧстир, чоннар паза конфессиялар аразындағы тартыстарны сизіндірер, терро- ризм идеологиязына тоғырланар паза экс- тремизм профилактиказы сурығларынҷа координационнай кін полча.
Сом Дмитрий Сунчугашевти
Автор :
Оксана Котюбеева
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
