Ӧӧркі Чӧп Президиумының чарадии
01.10.2026
Хабарлар
Хакас Республиканың Ӧӧркі Чӧп Президиумының
ЧАРАДИИ
Хакас Республиканың Табығ комиссиязының наа ӱн пирҷең праволығ араласчыларына кандидатураларҷа чӧптер алылчатханынаңар искірігдеңер
12 хандыхта 2002 чылда алылған «Россия Федерациязы гражданнарының табығ праволарына паза референдумда аралазар правозына ӧӧн гарантиялардаңар» 67-ФЗ№ Федеральнай законның 23-ҷі статьязының 5-ҷі пункты, Хакас Республиканың 25 сілкерде 1999 чылда алылған «Хакас Республиканың Табығ комиссиязынаңар» 61№ Законының 7-ҷі статьязының 7-ҷі пункты хоостыра паза Хакас Республиканың Табығ комиссиязының полномочиелері тоозылчатханы сылтаанда
Хакас Республиканың Ӧӧркі Чӧп Президиумы
ЧАРАТЧА:
1. Хакас Республиканың Табығ комиссиязының наа составының ӱн пирҷең праволығ араласчыларына кандидатураларҷа чӧптер приложение хоостыра алылчатханынаңар искірігні республиканың хабар таратчаң средстволарында чарыхха сығарардаңар.
2. Хакас Республиканың Табығ комиссиязының наа составының ӱн пирҷең праволығ араласчыларына кандидатураларҷа чӧптер сығарыс пастағҷыларынаң Хакас Республиканың Ӧӧркі Чӧбінзер пу Чарадығның 1-ғы пунктында кӧзіділген искіріг чарыхха сығарылған кӱннең сығара 30 кӱн ирткенҷе алылчалар тіп турғыс саларға.
3. Пу Чарадығны толдырары ӱчӱн нандырығлыға Хакас Республиканың Ӧӧркі Чӧбінің конституционнай законодательствоҷа, хазна пӱдіриинҷе, законностьча паза правопорядокча комитедін турғыс саларға.
4. Чарадығ алылған кӱннең сығара кӱзіне кірче.
Хакас Республиканың Ӧӧркі Чӧп кнезінің
пастағы орынҷызы
П.И.Воронин
Ағбан г.
1 чарыс, 2026 чыл
111-п №
Хакас Республиканың
Ӧӧркі Чӧп Президиумының
1 чарыста 2026 чылда
алылған 111-п № чарадиина
Приложение
Хакас Республиканың Табығ комиссиязының наа составының ӱн пирҷең праволығ араласчыларына кандидатураларҷа чӧптер алылчатханынаңар искіріг
12 хандыхта 2002 чылда алылған «Россия Федерациязы гражданнарының табығ праволарына паза референдумда аралазар правозына ӧӧн гарантиялардаңар» 67-ФЗ№ Федеральнай законның 23-ҷі статьязының 5-ҷі пункты, Хакас Республиканың 25 сілкерде 1999 чылда алылған «Хакас Республиканың Табығ комиссиязынаңар» 61№ Законының 7-ҷі статьязының 7-ҷі пункты хоостыра Хакас Республиканың Ӧӧркі Чӧп Президиумы кандидаттар списоктарын сығарған политика партияларына, хайзылары аразында Россия Федерациязының Федеральнай Чыылииның тоғызынҷы хығыртығ Хазна Думазында, Хакас Республиканың сигізінҷі хығыртығ Ӧӧркі Чӧбінде депутат мандаттары ӱлестірілер, пасха политика партияларына паза халых пірігістеріне, ідӧк Хакас Республиканың муниципальнай пӱдіcтерінің представительнай органнарына, Хакас Республиканың алындағы составтығ Табығ комиссиязына, Россия Федерациязының Ӧӧн табығ комиссиязына Хакас Республиканың Табығ комиссиязының наа составы тӧcтелердеңер паза Хакас Республиканың Табығ комиссиязының наа составының ӱн пирҷең праволығ араласчыларына кандидатураларҷа чӧптер пу искіріг чарыхха сығарылған кӱннең сығара 30 кӱн ирткенҷе алылчатханынаңар искірче.
Политика партияларының паза пасха халых пірігістерінің, Хакас Республиканың муниципальнай пӱдіcтерінің представительнай органнарының, Хакас Республиканың алындағы составтығ Табығ комиссиязының, Россия Федерациязының Ӧӧн табығ комиссиязының Хакас Республиканың Табығ комиссиязының ӱн пирҷең праволығ араласчызына кандидатура сығарылчатханынаңар чарадығларында кандидаттаңар искіріглер (фамилиязы, ады, пабазының ады, тӧреен кӱні, ӱгредии, ӧӧн тоғыс, служба, ӱгредіг орны алай нименең айғасчатханы, должнозы, хазна алай муниципальнай служащай полча ба, гражданствозы, чуртапчатхан адрезі, паспорт танығлары, табығ комиссияларындағы тоғыс опыды) кӧзіділерге кирек. Полномочиеліг органның алай организацияның чарадиина хоза кандидаттың, аны Хакас Республиканың Табығ комиссиязының ӱн пирҷең праволығ араласчызына турғызарға чарасчатханынаңар, пазылған айланызы пирілче.
Олох туста табығ пірігізі, пасха халых пірігізі санға алылған уставының хобырғанын паза юстиция органында санға алылғанынаңар киречілепчеткен пічіктің хобырғанын пирчелер.
Хакас Республиканың Табығ комиссиязының наа составының ӱн пирҷең праволығ араласчыларына кандидатураларҷа чӧптер пу адресче ызылчалар: 655019, Ағбан г., Ленин пр.,67, каб.320 – Хакас Республиканың Ӧӧркі Чӧп Аппарадының тимненіс-пічік пӧлии.
Хоза искіріглерні 8(390-2)25-95-40 телефонҷа алып аларға чарир – Хакас Республиканың Ӧӧркі Чӧбінің конституционнай законодательствоҷа, хазна пӱдіриинҷе, законностьча паза правопорядокча комитеді.
Хакас Республиканың Ӧӧркі Чӧп Президиумы
Автор :
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
