Сергей Медведевтің чолы – чахсы кӧзідім
23.09.2026
Хабарлар
СВО ветераны Сергей Медведев паза Хакасияның транспорт министрі Михаил Евтушенко
«Хакасияның матырлары». Пу проект Сергей Медведевке транспорт кӧстеенде тоғыс пасхызынҷа ӧзерге полысхан
«Хакасияның матырлары» республика программазының араласчызы Сергей Медведев ӱс ӱгредіг модульын, «Аэропорт Абакан» АО-да стажировка ирткен паза ӱгредіг тузында наа профессия кӧcтеен таллап алған.
Сергейнің сӧcтерінең, предприятиелерзер экскурсияларға чӧргені ағаа практика саринаң уғаа тузалығ полған, анзы тоғыс оңдайларын орында кӧріп аларға ла полыспаан, че ідӧк сығарыс киреенең, істеніс чолынҷа ӧзер оңдайларнаң чағын танызып аларға паза оларны практикада хайди тузаланарын піліп аларға полысхан.
Программада Хакасияның транспорт министрі Михаил Евтушенко Сергейнің ӱгредіг кӧстегҷізі полыбысхан. Аның чӧптері паза тоғызындағы опыды сығарыс проектiн тимнирінде чахсы хабас пиргеннер паза транспорт кӧcтеенде тоғынар оңдайларны іле паалирға полысханнар.
Пастап Сергей cығарыс тоғызын аэропорттың хорғыс чох поларынҷа службазын тӧстир сурығларға – хорғыс чох поларынҷа органнардағы алындағы істеніс опыдынаң палғалыстығ кӧстеге – чарыдарға пӧгінген. Че ӱгреніс паза стажировка тузында аның тоғысха кӧріcтері алғып парыбысханнар. Салтарында тоғызы транспорт логистиказына чарыдылған.
Сергей, аэропортты ӧзенге алып, анда мультимодальнай транспорт-логистика палғалызын тӧстирінҷе проектті тимнеен. Тимнеен тоғызын ол «Хакасияның матырлары» программада араласханының ӧӧн салтарларының пірсі чіли кӧрче. Аны тимнеп, ол алған піліcтеріне тӧстенген паза мыннаң мындар істеніс ӧзізін таныхтаан.
Программада араласханы киректе узарадылған. Стажировка ирткен соонаң Сергейні «Аэропорт Абакан» АО-зар тоғысха алғаннар. Андағ оңдайнаң, проектте араласханы ӱгредігде алған піліcтернең практикада тузаланарға паза транспорт кӧcтеенде іcтеніс чолын апарарға оңдай пирген.
Сергей Медведевтің чолы – «Хакасияның матырлары» проекттегі ӱгреніс паза практикалығ тимненіс араласчыларға тоғыста постарын кӧзідерге полысчатханына паза аннаң андар килістіре тоғыс таап аларға оңдай пирчеткеніне чахсы кӧзідім.
Автор :
Хакасияның транспорт паза чол хонии министерствозының пресс-службазы
| Пн | Вт | Ср | Чт | Пт | Сб | Вс |
| 28 | 29 | 30 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
