Хакас тiлi марии чарлалча
18.09.2026
Хабарлар
Тiл марии. Хакасияда пастағы класстағы ӱгренҷiлер аразында хакас тiлiнҷе марығ чарлал парды
Марығның ӧӧн пӧгiнi – республиканың iкiнҷi хазна тiлiн хайраллиры, тилiдерi паза аны сӧбiреде сабландырары.
Чарыс айының 1 – 25 кӱннерiнде iҷе-пабалардаң пiчiктер алылар. Кiчiг хырлас айының 1 – 11 кӱннерiнде марығ иртiрілер. Анда араласчылар эксперт комиссиязынаң чоох алызарлар. Комиссиядағылар олған хайди пос тiлiн пiл полчатханын, чоохтасчатханын паза пос сағызын читiр полчатханын паалирлар.
Тiл мариинда аралазарға сағынчатхан сӧбiрелерге мындағ пiчiктер ызарға кирек:
– сурыныс пiчии;
– паспорттың хобырғаны;
– СНИЛС-тың хобырғаны;
– ИНН-ның хобырғаны;
– олғанның тӧрееннеңер пічіктің хобырғаны;
– школадаң пiчiк;
– паланың пабазы паза iҷезi ирепчi полчатханнаңар пічіктің хобырғаны;
– ӱгренҷiнiң опекуны пар полза, аның пічіктерiнiң хобырғаны;
– банк реквизиттерi.
1-ғы орын алып алған олғанға (олғаннарға) – 25 муң салковай читiрiлер, 2-ҷi орын ӱчӱн – 23 муң салковай паза 3 орын ӱчӱн – 21 муң салковай.
Iҷе-пабаларға пiчiктерiн Хакасияның национальнай паза территориальнай политика министерствозынзар ызарға кирек. Пу адресче: 655017, Хакас Республика, Ағбан г., Щетинкиннiң ор., 18 алай ба minnас@r-19.rғ электроннай адресче (PDF алай ба ӦPG форматча). Сурығларнаң 8(3902)239-002 телефон номерінҷе айланарға чарир.
Сом «Хакас чирі» газета редакциязының архивінең
Автор :
Cветлана Астанаева
| Пн | Вт | Ср | Чт | Пт | Сб | Вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде
