Тӱзімніг арачылағ паза турыстығ сыйых
16.09.2026
Хабарлар
Хакасияның ис-пай паза чир хайызығлары министрі Дмитрий Панарин «Хакасия матырлары» программа араласчызы Евгений Воронковнаң
«Хакасия матырлары». Орғах айы тоозылчатханда, пу регион программазының халғанҷы чардығы ирткен – аттестация тоғыстарын арачылиры
Программа араласчызы Евгений Воронков «Хакасиядағы чуртағҷыларға тибіреділбес ис-пайға праволарын пічікке кирерінҷе полызығларны пирҷең устағны чахсыландырары» сурығҷа диплом проектін турыстығ арачылап алған.
Арачылағ соонаң Евгений позының кӧстегҷізінең – Хакасияның ис-пай паза чир хайызығлары министрі Дмитрий Панариннең – тоғасхан. Тоғазығ тузына программаны тоосчатхан кізі арачылағ тоғызы хоостыра сағыстарынаң ӱлескен паза кӧcтегҷее ӧткін пірге тоғынғаны паза стажировка тузында хабасханы ӱчӱн алғызын читірген.
Че ӧрініске сылтағ ікі дее полған. Евгений Воронков хабарнаң ӱлескен: ӱр ниместе ағаа «Хакасия Вместе» республиканың кӧксіне хазанҷаң тании читірілген. Ол сыйыхты регион пазы Валентин Коновалов махтаға турыстығ чуртағҷыларға читірген, оларның аразында Евгений Евгеньевич полған.
– Мин прай чӱреемнең алғызым читірчем, мағаа мындағ танығлығ сыйых читірген ӱчӱн. Мағаа ол махтағлығ сыйых ла нимес – ол таллап алған чолым паза салған кӱзім тикке парбаан тіп киречілеені, – таныхтаан Евгений Воронков министрнең хада чоохтазығда.
Тӱрчедең программа араласчыларына стажировканы тоосханынаңар дипломнар читірілер. Пір чыллығ чол – хазна паза муниципальнай устағнаң танысханы, наа піліcтер алғаны, профессиядағы ӧзіс паза аар сынағлар – тоозыларына чит парир. Че ол азах меет нимес, ол наа чардых пасталғаны: тоосчатханнарның алнында – алылған опытнаң тӧреен республикаа туза ағыларында тузаланары.
Таныхтирға кирек, «Хакасия матырлары» республиканың кадрларны тимнеҷең проекті «Матырлар тузы» федеральнай программаа тӧӧй. Проекттің кӧстее Хакас Республикадағы хазна паза муниципальнай устағ системазына, ідӧк пасха сфераларға ӧнетін чаа операциязының араласчылары паза ветераннары санынаң турыстығ устағҷылар тимнирі полча.
Сом r-19.ru сайттаң
Автор :
Александра Султрекова
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде



