Интернетте иптiг тудынарға
08.09.2026
Хабарлар
Ағбандағы 2 № школаның ӱгренҷілері
3 ӱртӱнде – Терроризмнең тоғыр кӱрезер кӱн. Пу кӱнде Ағбанның 2 № школазында Росгвардияның ӱс кадет клазында интернетте хорғыс чох тудынарына чарыдылған азых урок ирткен
Чоохтазығ алнында Росгвардияның тоғынҷылары 3 ӱртӱн хазнаа чобағлығ кӱн полчатханнаңар чарытханнар. Пу кӱнде 2004 чылда Бесланда улуғ теракт пол парған, хайда 300 азыра кiзiнiң чуртазы ӱзiлген, ол санда 200-ке чағын олғанның, хайзылары наа ла чуртап пастапчатханнар.
– Пу кӱн пістің чонға чобағның тании пол парған, – айланған Росгвардияның Хакасияҷа устанызы пастығының чаа-политика тоғызынҷа орынҷызы, полковник Роман Умбиталиев. – Пӱӱн піс, чуртазы іди сын нимес ӱзіл парған пырозы чох хыйалға кіргеннерге аарлас пиріп, пастарыбысты тӧбін тӱзірчебіс. Терроризмнең паза экстремизмнең тоғыр полғаны – Росгвардияның ӧӧн пӧгіннерінің пірсі. Піс мындағ чобағлар тархынның чобағлығ страницазында ла халзыннар тіп прай ниме итчебіс.
Террористтер пiстiң хазнаа хорғыс ағыларын тохтатпинчалар. Саннығ технологиялар тилiпчеткенде, олар кӧстеглерiн андар айландырчалар, ӧӧн хайығ олғаннарға паза улуғ частығларға салылча. Телевизордаң кӱннiң cай искiрiглер сыхча, хайди саарбахтар паза аға-ууҷалар, кӱҷӱрлерге алаахтырт салып, ахчаны миллионнардаң хырығ озаринзар ызыбысчалар.
Тоғазығда регионнаң устаҷаң кiннiң (ЦУР) паза Росгвардияның специалисттерi кадет класстарының ӱгренҷiлерiне кӱҷӱрлернiң хармахтарына хайди «хаап» парбасха тiп чарытханнар.
– Кӱҷӱрлер кiзiлернiң ӧӧн пiчiктерiндегi паза банктағы искiрiглерін оғырлап аларға кӱстенчелер. Мында олғаннар оларның ӧӧн кӧстеглерi полчалар. Олар кӱннiң сай оолах-хызыҷахтарны алаахтырып аларға сiренчелер. Аннаңар пiстiң ӧӧн пӧгiнiбiс – ӱгренҷiлернi интернетте орта тудынарға ӱгрет салары. Олар пiлерге киректер, кӱҷӱрлер кӱннең кӱнге кӧйтiктең кӧйтiк ле полып одырчалар. Алаахтырар наа оңдайлар таап ла алчалар.
2026 чылның чарым чылына пiстiң хазнада 11 муң азыра олған кӱҷӱрлернiң хармахтарына «хаап» парған. Ол ағаа улуғ сан. Кӧбiзiнде олғаннарны, ниик ахча тоғынып аларға хығырып, алаахтырып алчалар.
Сом Дмитрий Сунчугашевти
Автор :
Оксана Котюбеева
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
