95: Ағбан пiрiктiрче!
06.08.2026
Хабарлар
Ӱлӱкӱнде ойын-ӱтертістер кӧп полар
Программа. 8 орғахта Ағбан городтың кӱнi иртер
Пӱӱл Хакасияның ӧӧн городына пайрамнығ 95 чыл толча. Ӱлӱкӱн кибiрли Ағбанның Культура паза тынағ паркында, iдӧк «Саяны» стадионда иртер. Городтың чуртағҷылары паза аалҷылары аймах ӧмелернiң чайаачыларын кӧрiп аларлар, устарның ярмарказында чапсых ниме-ноо садызарлар, устарның кӧзідіглерінде паза ӱтертiстiг ойыннарда аралазарлар.
«Кибiрлер площадьы» 1№ ачых (Н.Г.Булакиннiң адынаң спорткомплекстiң ӧӧн ачығы)
12.00 – 12.30 часта – Ағбан городтағы аймах тiллiг, культуралығ паза киртiнiстiг чоннар пiрiгiстерiнiң чӧрiзi паза ынархас теелбегi. Чыылысчаң орын – Катановтың орамазы («Славица» павильон хыриндағы парковка). Ӱлӱкӱннiң пайрамни азылғаны.
12.30 – 18.20 частарда – «Чонның алғым фестивальы» программа. Анда Хакасияның паза Хызылчар крайының иң артых ӧмелерi фольклор сарыннарын толдырарлар.
12.30 – 13.10 часта – «Звоны» ансамбль;
13.10 – 13.40 часта – «Мӧге Хай» этно-группа;
13.40 – 14.10 часта – «Добро» орыс ырлар ансамбльы;
14.20 – 14.35 часта – «Кудель» артель;
14.40 – 15.00 часта – «Жар-птица» кӧг тирiглiг фольклор ансамбльы;
15.00 – 15.20 часта – «Задоринка» фольклор ансамбльы;
15.20 – 16.00 часта – «Хайхастығ киис» чайаачы пiрiгiс, «Стиль» мода студиязы, «Чылтыс» чон кӧг тирiглерi ансамбльы;
16.00 – 16.20 часта – «Лазоревый цвет» фольклор студиязы;
16.20 – 16.55 часта – «Алтыр» мода театры паза «СоВа» дуэт (Хызылчар крайының Туруханск аалы);
16.55 – 17.35 часта – «Виринея» фольклор ӧмезi;
17.35 – 18.20 часта – «ЯХУ-АСКА» кӧглiг проект.
18.30 – 19.30 часта – «Красный Яр» чон сарыннары ансамбльы (Хызылчар г.). Ол фестивальның ӧӧн араласчызы полар.
19.30 – 22.00 частарда – чииттер программазы. Анда диджейлер, теелбек ӧмелерi, чиит ырҷылар концерт кӧзiдерлер, iдӧк сыйыхтығ ойыннар полар. Программаның ӧӧн араласчызы – «Смена» проект.
«Адреналин орамазы» 2№ ачых (Катановтың орамазындағы тохтағ хыринда мороженай садылчатхан павильон сари)
15.30 – 17.00 часта – «Кӱс экстримiнiң кӧзiдии» программа. Иң кӱстiг атлеттер аар тӧгенi паза тасты хабарлар, килкiм гантельлернi тударлар, кiзiлiг иңнестернi тазирлар паза электробусты сӧӧртирлер. Анда тилекейнiң, Европаның, Россияның чемпионнары Владимир Муравлёв паза Пётр Мартыненко аралазарлар.
«Татхыннығ орама» 3№ ачых (Н.Г.Булакиннiң адынаң спорткомплекстiң пастағы парковказы)
12.00 – 22.00 частарда – аалҷыларға татхыннығ ас-тамах садии. Андох «Аба чистегi» городтағы сӧбiре фестивальы иртер.
«Хузурухтығ таланттарның орамазы» 4№ ачых (парктың ӧӧн аллеязы)
15.00 – 18.00 частарда – улуғ опыттығ кинологтар адайларнаң хайхастығ кӧзiдiглер кӧзiдерлер паза адайларның ээлерi тӧрт азахтығ кiчiг нанҷыларын орта ӧскiрерге, хайраллирға чӧптерiнең ӱлезерлер. Андох сомға суурынарға оңдай полар.
«Хынған трасса паза хынған гараж» 5№ ачых (Н.Г.Булакиннiң адынаң спорткомплекстiң улуғ паза кiчiг парковказы)
12.30 – 18.00 частарда – ус пилоттарның паза каскадёрларның хайхастығ кӧзiдии. Олар ыста дрифт-трюктар идерлер, мотоцикллiг, пӧзiк сегiртiп, айлахтанарлар. Iдӧк нааҷылалған автомобильлернiң кӧзiдии иртер. «Хынған гаражта» олғаннар электромашинаҷахтығ ойлат чӧрерлер. Андох Ағбандағы салоннар наа автомобильлернi садыға сығарарлар.
«Спорт кварталы» 6№ ачых (футбол чазызы)
09.00 – 11.00 частарда – Россияның физическай культуразының саблығ тоғынҷызы П.А.Кульшаның хумартхызына чарыдылған региондағы спорт ветераннарының турнирi.
11.10 – 12.30 часта – Н.Г.Булакиннiң адынаң спорткомплекстiң инструкторларының «Остров движения» фитнес-марафоны. «Строим силу шаг за шагом», «Стальная основа: укрепляем корпус» устар кӧзідии паза «Ритм внутри: раскрой себя в танце» программа полар. Андох олғаннарға «Умный фитнес: покоряем вершины» ачых тоғынар.
12.45 – 15.00 частарда – «Россияның кӱзi» тиксi Россия синiндегi спорт марафоны хоостыра «Пабам, iҷем, мин – спортнаң айғасчатхан сӧбiре» городтағы сӧбiрелер аразындағы спорт марығлары.
15.00 – 16.30 часта – «Таңдағы Ағбан» сӧбiрелер аразындағы спорт фестивальы.
13.00 – 15.00 частарда – «Чичең тастааны» баскетболҷа паза «Русский жим» штанганы кӧдiрерiнҷе марығлар.
«Сап-карнавалның акваториязы» 7№ ачых (пастағы тахта хыриндағы акватория)
10.30 – 12.30 часта – сапбордты (киректелзе) арендаа алары, тирiгнi паза костюмны тимнирi; «Русское в моде» сап-карнавалда аралазарға пазын салары.
13.00 – 13.30 часта – инструктаж иртерi, марыға тимненiп, ит-ханны «iзiдерi».
13.30 – 14.10 часта – «Русское в моде» сап-карнавал.
14.10 – 14.30 часта – сап-карнавалда иң чахсы костюм ӱчӱн сыйыхтас.
«Олған ачығы» 8№ ачых (пастағы тахта хыриндағы от кӧк кизек чир)
12.30 – 13.00 часта – «Россия чоннарының нымахтары» темаҷа коляскалар чӧрiзi паза иң сiлiг олған колясказы марығ.
12.30 – 18.00 частарда – «Поляна-Гуляна», «Сказкиволшебного леса», «Большая песочница», «Гейм-крафт по-абакански», «Лаборатория безопасности» ӱтертiстiг программаларда олғаннарға ойын-марығлар, устар кӧзідіглері, чапчаң сағынҷаң ойыннар.
«Нанҷыларның орны» 9№ ачых (скейт-парк хыринда)
12.30 – 18.00 частарда – истiг орыннарда тынанып алары. Андох iсчең суғлар садылар. Телефоннарны зарядкаа турғыс саларға чарадылар.
14.00 – 14.30 часта – «Лапы в строю» адайлар чӧрiзi.
«Пос хынғанни тынанҷаң орын» 10№ ачых (скейт-парк)
12.30 – 16.00 частарда – Хызылчардағы «СПОРТЭКС» экстремальнай спорт кӧрiмнерi кiнiнiң ВМХ велосипедтерҷе инструктор Виктор Пищелёвтың паза трюктығ самокаттарҷа инструктор Егор Малиновтың хайхастығ кӧзiдiглерi.
«Транспорт чӧрiзi орамазы» 11№ ачых (Лениннiң проспектiнең Пушкиннiң орамазынзар парчатхан Катановтың орамазындағы чол кизегi)
12.30 – 18.00 частарда – Ағбан городтың предприятиелерiнiң паза организацияларының тоғынҷаң транспорттарының кӧзiдии. Ӱлӱкӱн аалҷыларына оларның кабиналарынзар кiрерге чарадылар.
«Хада-пiрге тудыныс ареназы» 12№ ачых («Саяны» спорткомплекс)
20.00 – 22.00 частарда – «Ағбан пiрiктiрче» улуғ концерт. Анда ӧӧн аалҷы Россияның саблығ артизi SHAMAN полар.
Сом «Хакас чирi» газета архивінең
Автор :
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 1 | 2 | 3 | 4 |
Кӱн таңмазы
Хакасияда
Россияда
Тилекейде
