Ветераннарны килістіре кип-азахнаң тонандырчалар
05.08.2026
Хабарлар
Ӧнетін чаа операциязының ветераны позына истіг кип-азахты кӧзітче
СВО ветераннарына полызығ. «Ада чир-суубыс арачылағҷылары» хазна фонды аар палығлатхан ӧнетін чаа операциязы ветераннарына оларға килісчеткен кип-азах пирче
Кип-азахты таллапчатса, специалисттер полған на ветеранның хазиин, физическай оңдайларын паза алынҷа кирексіністерін санға алчалар. Матырларға истіг паза килісчеткен кип-азах пиреріне полған на сурыныс алынҷа кӧрілче.
Фонд СВО ветераннарына килісчеткен кип-азахты, реабилитация иртірер техника тирии чіли, тикке пирче. Полғанына ӱс комплект кӧріл парған: чайғыда, часхыда паза часхы-кӱскӱде кисчең кип-азах. Комплектке 12-ее теере кӧрім кірче. Анда Килісчеткен кип-азах дизайнның чоннар аразындағы марииның чиңicҷiлері тимнеен модельлернең тузаланчалар. Марығ «Ханаттарда» адалча. Пылтырғы чайғыдаң cығара фонд прай 2800 азыра андағ кип-азах комплектін пирібіскен.
Россия президенті Владимир Путиннің хабазии сылтаанда ветераннарға килісчеткен кип-азах пирер оңдай фондтың пар пол парған. Хазна пазы СВО матырларынаң 2025 чылның кӧрік айындағы тоғазығда Анна Цивилёваның пастаанаң чарасхан.
«Килісчеткен кип-азах кізілернің алынҷа оңдайларын санға алча, аар палығлатхан арачылағҷыларға посха ізеніс айландырарға полысча, амыр чуртасха табырах кӧнігерге хабасча. Пӱӱн піс аймах тудығлардаңар чоохтаспинчабыс, пістің матырларның тоозылбас кӱзінеңер чоох апарчабыс. Амғы технологиялар, ол санда килістіре мода сферазында, оларның алнында наа оңдайлар асчалар, хайзылары спортнаң паза чайаачынаң айғазар, профессияда позын табар паза ӧткін, толдыра чуртас апарар оңдайлар пирчелер. Пістің пӧгінібіс – прай кирек оңдайлар тӧстирге, полған на арачылағҷы полызығны пілзін паза алнынзар ізестіг пар ползын», – теен Россияның арачыланыс министрінің орынҷызы – статc хачызы, «Ада чир-суубыс арачылағҷылары» фондтың кнезі Анна Цивилёва.
«Ада чир-суубыс арачылағҷылары» фондтың Хакасияҷа филиалы СВО ветераннарына килісчеткен кип-азах комплекттерін сыбыра пирче. Ол СВО матырларына посха ізеніс пирче паза чуртаста ізестіг тудындырча, iдӧк килістіре физкультуранаң айғазарын истіг итче. Хакасияда фонд филиалынзар айланған 31 СВО ветераны ӧнетін кип-азах алып алған.
«Килісчеткен кип-азах уғаа истіг, хыймыранарға харығ полбинча, тренировкаларда паза мероприятиелерде аралазарын оой итче. Палығлатхан соонда андағ кип-азах тренировкаларда, марығларда аралазар оңдай пирче, командада позыңны ізестіг тудынчазың», – таныхтаан СВО ветераны, фонд филиалының социальнай координаторы Евгений Лопатин.
Россияда килісчеткен кип-азах индустриязын тилідерінде алынҷа тоғыс апарча Килісчеткен кип-азах дизайнының «Ханаттарда» чоннар аразындағы марии, аны «Ада чир-суубыс арачылағҷылары» хазна фонды тӧстеен паза апарча. Ағаа хабасчалар ӧӧн партнер – ВЭБ. РФ паза регионнардағы правительстволар.
Ӱс чыл аразына проект чоннар аразындағы марыға теере ӧс парыбысхан паза платформа полыбысхан, хайзы модельерлерге талантың iлезіне сығарар оңдай пирче паза кинектерге постарын iзестіг тудынарға полысча.
Аның араласчылары – профессиональнай дизайнерлер, модельерлер, Россиядаң паза хырығ озаринаң кип-азах производительлері, iдӧк ортымах профессиональнай паза пӧзік ӱгредіг заведениелерінің студенттері: « Ханаттарда» марығның округтардағы чардыхтары пӱӱл «Ада чир-суубыс арачылағҷыларының Кубогы» регионнар аразындағы марығлар хоостыра иртірілчелер. Кӧзідіглер Уралдағы паза Сибирьдегі федеральнай округтарда иртіп парғаннар. Iди «Ханаттарда» марығның салтарларынҷа Сибирьдегі федеральнай округта постарының тоғыстарын 200-че араласчы кӧзіткен, Хакасиядаң дизайнерлер – «РRО Дизайн» наука-чайаачы пірігізi» «Спорт паза ӧткін чуртас» номинацияда 3-ҷi орынға турысханнар.
Cом авторни
Автор :
Елизавета Гончарова, «Ада чир-суубыс арачылағҷылары» фондтың филиал устағҷызының орынҷызы
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
