Суғлардағы объекттер – iзестіг хадағдалар
05.08.2026
Хабарлар
Сыныхтағ тузында
Сыныхтағ. Росгвардияның Хакасияҷа устааның «Монолит» ОМОН-ның тоғынҷылары суғлардағы объекттерҷе патрульнаң чӧрчелер
Хакасияның ОМОН тоғынҷылары региондағы суғларда, кӧллерде паза водохранилищелерде рейдтер иртірчеткен ведомстволарға хабазығ пирчелер. Оларның хада-пірге патрульлары праволар сайбағларын полдыртпас профилактика тоғызын апарарына паза суғлардағы объекттерні хорғыс чох идеріне кӧстелчелер.
Пу чыл пасталғаннаң олар хадапірге патрульнаң хырых азыра хати чӧргеннер, iди мероприятиелер тузында 170 азыра сайбағҷы тутырған. Андағ сайбағлар аразында полғаннар: кічіг судноларнаң тузаланар правилолар сайбалчатханы, пассажирлерге хорғысты чох итпинчеткені, кічіг судноларны турғысчаң базаларны сайбапчатханы, законнаң хыйыстыра хылынчатханнарны паза кізілерге, ибіркее хорғыс итчеткен праводаң тоғыр пасха даа тоғыс апарчатханы.
Турғызылған пӧгіннерні толдырарында ОМОН тоғынҷылары Росгвардияның ӧнетін техниказынаң тузаланчалар – катер-кименең паза кии подушкалығ катернең. Чӱсчең амғы транспорт сайбағлығ киректерзер табырах парар оңдай пирче, ол санда суғлардағы чидіп аларға сидік чирлерзер паза хомай кӱннерде дее.
Пасха ведомстволарнаң хада-пірге тоғыс ведомстволар аразындағы пӧгіннер хоостыра апарылча паза республиканың суғларындағы объекттерде правопорядок тударына хада-пірге тоғыс апарарына полысча. Пу чылда андағ хада-пірге мероприятиелер апарылғаннар: МЧС-тың Хакасияҷа ГУ-зының ГИМС кінінең, суғлардағы биология ресурстарын хазна сыныхтаанда тутчатхан паза хайраллапчатхан Хакасияҷа пӧлиинең, Ағбанның транспорт прокуратуразынаң паза МВД-ның Ағбандағы линейнай пӧлиинең.
Хакасияның суғларын хорғыс чох идер тоғыс кӧстег хоостыра узарадылча. Ведомстволарның кізілері чуртағҷыларға суғлардағы объекттерде турғызылған правилоларға тудынарға паза сизіктіг поларға чӧп пирчелер – право хайраллаҷаң органнарға искіріглерні тузында читірілгені хорғыстығ киректер полдыртпасха паза кізілернің чуртазын, хазиин хайраллирға полысча.
Суғларда хорғыс чох тудынарынаң палғалыстығ прай сурығларҷа регионның чуртағҷыларына кирек ведомстволарның дежурнай службаларынзар айланарға чарир.
Сом авторни
Автор :
Росгвардияның Хакасияҷа устааның пресс-службзы
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
