«Мобильнай табығҷы» полызыға маңзырапча!
31.07.2026
Хабарлар
Табығлар-2026. «Мобильнай табығҷы», кізі дее полбаза, Россияның Хазна Думазының депутаттарының табығларында ӱн пирерге полызар
Пу кӧп чыллар ӱн пиріс кӱннерінде ибде нимес табығҷыларға полысчатхан истіг паза олаңай оңдай.
Пір дее справкалар паза бюрократия чоғыл – пір ле сурыныс пічии, анаң сірерні постарың таллап алған участоктағы табығҷылар списогына ӱр нимеске «кӧзірчелер».
Хаҷан паза хайди сурыныс пічиин пирерге?
Орғах айының 3-ҷі кӱнінең сығара ӱртӱн айының 14-ҷі кӱніне теере аны пирерге чарир:
– МФЦ-ның хайдағ даа пӧлиинде (тоғыс тузында);
– хайдағ даа орындағы табығ комиссиязында (Хакасияда олар олаңай кӱннерде тоғынчалар: 9.00 – 18.00 частарда, тынағ кӱннерінде: 10.00 – 14.00 частарда);
– «Хазна полызығлары» порталда (сірернің киречілелген учетнай запись пар полза, хараа-кӱнӧрте).
Ӱртӱн айының 9-ҷы кӱнінең сығара сурыныс пічіктерін аларына участоктағы табығ комиссиялары хозылар. Оларның Хакасияда тоғыс кӱннерінде тоғынҷаң оңдайлары: 16.00 – 20.00 частарда, тынағ кӱннерінде – 10.00 – 14.00 частарда.
Хайда МФЦ-ның, орындағы алай участоктағы комиссияларның адрестерін таап аларға?
МФЦ пӧліктерінің адрестерін паза тоғыс тузын пу сайтта тілеңер: mfc-19.rғ.
Хакасияның орындағы паза участоктағы табығ комиссияларының адрестерін Хакасияның Табығ комиссиязының сайтында (khakas.izіirkom.rғ) «Табығ комиссиялары» чардыхта піліп аларға чарир.
Интернет чоғыл – чобағ нимес. Россияның Ӧӧн табығ комиссиязының «ізіг линиязына» пу телефонҷа сығдырадыңар: 8-800-200-00-20 алай Хакасияның Табығ комиссиязынзар пу телефонҷа – 8 (3902) 22-25-62. Сірерге хайди даа полыс пирерлер!
Ӱн пирер участокты хайди таллап аларға?
Аннаң оой ниме чоғыл. Россияның Ӧӧн табығ комиссиязының сайтынзар кіріңер (cikrf.rғ), ӧӧн страницаның алтында «Пос табығ участогын таап аларға» пӧлікті тілеңер, ӱн пиріс кӱннерінде хайда поларзар, ол адресті кӧзіт пиріңер, табығ участогының номерін, ідӧк участоктағы комиссияның координаттарын паза палғалысчаң оңдайларын піліп алыңар. Алай хайдағ даа «ізіг линияның» номерінзер сығдырадыңар.
Нинҷе-де правилоны сағыста тударға кирек:
– «Мобильнай табығҷы» Россияның Хазна Думазы депутаттарының табығларында ла тоғынча;
– МФЦ-зар, орындағы алай участоктағы комиссиязар сурыныс пічиин пирерге парчадып, паспорт хада аларға ундутпаңар;
– пір саңай пір ле сурыныс пічиин пирерге чарир.
Сағыстарың алыстырыбысхазар ба алай киректер алыс парғаннар ба? Хорғыстығ нимес – сурыныс пічиин тохтадарға чарир. Аны МФЦ-да, ТИК-та алай УИК-та пирген ползаңар, паспорттығ пу орыннарның хайзынзар даа парыңар. «Хазна полызығлары» порталнаң тузаланған ползаңар – пос кабинедінде сурыныс пічиин чох идіңер. Ӱртӱн айының 14-ҷі кӱніне теере, сурыныс пічиин хатап пиріп, килістіре орынны таллап аларға чарир полар!
Прай ниме олаңай паза артых пас ағырии чох! Иң ӧӧні, табығ кӱннерінеңер ундутпаңар, сизіндіріг турғыс салзаңар, уламох чахсы полар! Сірерге амыр паза истіг ӱн пиріс!
Автор :
Хакасияның Табығ комиссиязы
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
