Пiстiңнер – артыхтар санында
31.07.2026
Хабарлар
Поғдархас. Хакасияда чурттығ Чебодаевтер Россия синiндегi «Чыл сӧбiрезi-2026» марығ чиңiсчiлерi санында пол пардылар
Павел паза Наталья Чебодаевтер палаларынаң хада «Сӧбiре – кибiрлер хайраллағҷызы» номинацияда иң артых полыбысханнар.
Олар 14 чыл мының алнында хоных хон салғаннар. Пӱӱнгi кӱнде ынағ ирепчiнiң ӱс пала – Тимир, Маргарита паза Саяна. Чиит сӧбiре ӧбекелерiн чахсы пiлче паза пос чонының кибiрлерiн хайраллирына улуғ хайығ салча. Паба кiзi улуғ палаларын хакас тiлiне ӱгретче. Маргарита iдӧк «Кӱн сузы» хакас теелбек студиязынзар чӧрче. Iҷе кiзi пос туста хакас ипчiлернiң чазанҷыхтарын чайапча, хызыҷахтарға хакас кӧгенектер тiкче. Паза Чебодаевтер Наа чыл ӱлӱкӱн алнында сӧбiренең сомға суурынарын кибiрге кир салғаннар. Хайдағ кип-азах кизiп аларын кӧп палалығ iҷе позы сағын таапча.
Тиксi Россия синiндегi «Чыл сӧбiрезi» марығ пӱӱл 11-ҷi хати иртiрiлдi. Аның тӧстегҷiлерi Россияның iстенiс паза социальнай арачыланыс министерствозынаң чуртастың сидiк оңдайларына кiр парған палаларға полысчатхан чыынды полчалар.
Пу чылдағы чиңiсчiлернi 23 отта Федерация Чӧбiнде ирткен чыылығда адааннар.
Автор :
Хакасияның iстенiс паза социальнай арачыланыс министерствозының пресс-службазы
| Пн | Вт | Ср | Чт | Пт | Сб | Вс |
| 28 | 29 | 30 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
