Чайаачы кiн чииттернi хығырча
29.07.2026
Хабарлар
Приёмнай кампания-2026. Хакасияның креатив индустриялары школазы (ШКИ) 2026-2027 ӱгредіг чылына приёмнай кампанияның ікінҷі салғағы пасталғанын чарлапча
ШКИ-да 12 – 17 частығ ӱгренҷiлер амғы чайаачы специальностьтарға тикке ӱгреніп аларлар. Ӱгредіг программазы ікі чылға кӧрiл парған. Пу тус аразына олғаннар наа технологияларнаң танысчалар, профессиональнай тиріглернең тоғынчалар, постарының проекттерін тӧстепчелер паза портфолио пӱдірчелер. Ӱгредiг соонаң олғаннарға сертификат пирiлче.
Ӱгредiг алты кӧстегҷе иртче: анимация, графика дизайны, сомға паза видеоға суурары, звукорежиссура, амғы электроннай музыка паза интерактивнай саннығ технологиялар.
Анда олғаннар ӧмеде тоғынарға, проекттер тӧстирге паза оларны чуртасха кирерге, пос сағыстарын кӧзідерге, эксперттернең палғалыс тударға ӱгренчелер.
Школазар чайаачынаң айғасчатханнар даа, пу кӧстегҷе наа хаалағлар итчеткеннер дее ӱгренерге кiр поларлар. Ӧнетiн тимненiс киректелбинче. Ӧӧнi – наа пiлiс аларына хыныс.
Таныхтирға кирек, Хакасияның креатив индустриялары школазы азылғаннаң анда илееде олған ӱгренiп, хазнаның профильлiг вузтарында паза колледжтерiнде аннаң андар тирең пiлiс алча. Приёмнай кампанияның ікінҷі салғағы 2026 чылның орғах айының 15-ҷі кӱніне теере тоғынар.
Сом ШКИ-ның ВКонтакте социальнай сетьтегi страницазынаң
Автор :
Мария Миягашева
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
