Саарбахтар аразында сайбағлар полдыртпас ӱчӱн
29.07.2026
Хабарлар
Чыылығ тузында
Проект. Хакасия – хорғыс ӧмезіндегі саарбахтарға полызарына кӧстелген «Кичіг» проекттің араласчызы
Хакасияда пу кӱннерде Санкт-Петербургтағы эксперт, социология наукаларының кандидады, Санкт-Петербургтағы хазна университедінің прикладной социология кінінің директоры Майя Михайловна Русакова тоғынча. Ол ідӧк пала правозынҷа федеральнай уполномоченнайның эксперт чӧбінің кізізі полча.
Майя Михайловна регионзар Россия Президентіндегі пала правозынҷа уполномоченнай Мария Львова-Белованың полызиинаң пӱӱл тоғысха кирілген «Кичіг» федеральнай проект хоостыра тиксі істезіглер иртірерге килген. Проект сыныхтағлығ полча, ідӧк пістің республика проект сынағ иртчеткен он регионның санына кірче.
Проект социальнай хорғыс ӧмезіндегі саарбахтарға полызар тӱзімніг оңдай тӧстиріне, чазы читкелектернің ибіркізіне киліспинчеткен тудыныстарының профилактиказына паза андағ палалар ӧсчеткен, аймах-пасха оңдайлар сылтаанда сидік чуртас оңдайларына кір парған сӧбірелерге полызарына кӧстелген.
От айының 22-ҷі кӱнінде Хакасия пазының тоғызын толдырчатхан Татьяна Курбатованың паза Майя Русакованың тоғыс чыылии ирткен. «Кичіг» проектті чуртасха кирерінің кирек сурығларын ӱзӱрерінде республиканың кӧcтегліг министерстволарының устағҷылары, ідӧк Хакасиядағы пала правозынҷа уполномоченнай араласханнар.
Проекттің ӧӧн пӧгіні, хайди Санкт-Петербургтағы эксперт чоохтаан, аймах кӧрімнерде санға алылған чазы читкелектерге хабасчаң региондағы системаны ирте профилактика практиказын тилідеріне айландырары. Сағыссыратчатхан сағбаларны тузында сизінерге паза кирек кризиске айлан парғанҷа полызығ пирерге оңдай пирҷең, саарбахтарның сӧбірелеріне полысчаң системаны пӱдірібізерге кирек. Олох туста ӧӧн хыйғы: саарбах паза аның сӧбірезі – олаңай полызығ алчатханнар ла нимес, хада-пірге чарадығ алчатханнар.
Хакасия федеральнай специалисттер тоғынып пастабысхан пастағы регионнар санына кірче.
Пастап, региондағы оңдайларны паалир ӱчӱн, орыннарда тоғынчатхан профилактика системазында сидік олғаннарнаң тоғыс ӱзӱрілче. Анаң, кирек полза, кӧстегліг специалисттерні наа оңдайларға ӱгредері, аннаң андар алнындағы методикаларны паза амғы практикаларны кирері иртер.
Татьяна Курбатова пу проектті Хакасияда чуртасха киргені олғаннар паза саарбахтар аразында сайбағлар полдыртпаҷаң тӱзімніг профилактика системазын тӧстирге полызарына ізенізін читірген.
Сом авторни
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
