Регионнар аразындағы палғалысты тыыдып
24.07.2026
Хабарлар
Хызылчар крайының культура министрі Аркадий Зинов Ағбандағы ШКИ-ның студияларын кӧрче
Культура. Пу кӱннерде Хакасияның креатив индустриялары школазында (ШКИ) Хызылчар крайының культура министрi Аркадий Зинов ааллаан
Хакасияның культура министрi Светлана Окольникова паза ШКИ-ның устағҷызы Владислава Калиновская аалҷаа учреждениеҷе экскурсия иртiргеннер. Пiстiң министр школа хайди тӧстелгеннеңер паза аның ӱгредiглiг программазынаңар чоохтаан.
Креатив индустриялары школазы Ағбанда тӧрт чыл мының алнында азылған. Iди республикада иң пастағы мындағ учреждение тоғын сыххан. Пу тус аразына ШКИ-ның ӱгретчiлерi, илееде чайаачы олғаннарға пiлic пирiп, улуғ чуртассар чол асханнар.
Экскурсия тузында директор Владислава Калиновская школаның алты кӧстеенеңер чарыда чоохтап пирген: дизайн, анимация, звукорежиссура, амғы электроннай музыка, интерактивнай саннығ технологиялар, сомға паза видеоға суурҷаң ӱгредiг. Iдӧк директор учреждениенең устаҷаң паза пасха организацияларнаң хада-пiрге тоғынҷаң опыдынаң ӱлескен.
Пӱӱл Хакасияда iкiнҷi ШКИ азылар. Ол Сыра аалда орнығар. Сыра аймааның 12 – 17 частығ чиит чуртағҷылары постарының чайаачыларын ӱс студияда таптирлар: сомға паза видеоға суурҷаң студия, анимация паза 3D-графика, дизайн.
Хызылчар крайының министрi пiстiң республиказар кил парғаны регионнар аразындағы палғалысты уламох тыытча паза креатив индустриялары тилiзiнде опытнаң алызарға оңдай пирче.
Сом r-19.rғ сайттаң
Автор :
Аскар Артамонов
| Пн | Вт | Ср | Чт | Пт | Сб | Вс |
| 28 | 29 | 30 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
