Хакасиязар генерал-лейтенант килген
24.07.2026
Хабарлар
Ленар Габдурахманов
Тоғазығ. Татьяна Курбатова Россия МВД-зының ГУОООП пастығы Ленар Габдурахмановнаң тоғасхан
Хакасия пазы тоғызын толдырчатхан Татьяна Курбатова 20 отта пістің республиказар тоғыс хоостыра килген полицияның генерал-лейтенанты Ленар Габдурахмановнаң тоғазығ иртірген. Россия МВД-зында ол халых чонның амыр чуртазын хадарарынҷа паза хазна субъекттерінің толдырығлығ ӱлгӱ органнарынаң пірге тоғыснаң устирынҷа ӧӧн устанызынаң устапча.
Тоғазығда ведомстволар аразындағы пірге тоғыстың ӧӧн сурығлары, аны чахсыландырары ӱзӱрілген. Ол пірге тоғыс регионда хорғыс полдыртпазына паза чуртас амыр парарына кӧнізінең теелче нооза.
Сарилар пірге тоғыстың мыннаң мындархы кӧстеглерін ӱзӱрібіскеннер, прай пірге пӧгіннерні чуртасха киргені чуртағҷыларның праволарын паза пос чуртазын арачылирын улам тӱзімніг идер, халых чонның амыр чуртазын хадарарына хабазар тіп кӧріске килгеннер.
Ленар Габдурахманов, пос саринаң, Хакасия правительствозы право хайраллаҷаң органнарға пирчеткен полызығны пӧзік паалаан. Толдырығлығ паза право хайраллаҷаң органнар пірге тӱзімніг тоғынчатханы сылтаанда региондағы чуртас хорғыс чох паза амыр парчатханын таныхтаан.
Тоғыс чорығы тузында генерал-лейтенант Хакасияның істіндегі киректер органнарының тоғынҷыларынаң чоох алызып алған, служба апарары хайди тимнелгенін паза тоғыс оңдайларын сыныхтаан.
Сом Хакасия пазының пресс-службазыни
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 28 | 29 | 30 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
