Хакас тілінең наа учебниктер
16.07.2026
Хабарлар
Хакас тілі учебниктері
Ӱгредіг. Россияның просвещение министерствозының наука-методика чӧбі, 1 – 4 класстарға хакас тілінең пазылған учебниктер паза ӱгредіг пособиелері экспертизаны маңнаныстығ иртiбіскеннеңер, оларны федеральнай переченьге кир салардаңар чӧп пирген
Экспертизаны А.И.Герценнің адынаң Россияның хазна педагогика университеді паза Россияның наука академиязы иртіргеннер. Аның салтары хоостыра 1 – 4 класстарға хакас тілінең пазылған тоғыс учебникті федеральнай переченьге кир саларға чӧп пирілген: «Букварь», «Пос (хакас) тілі», «Пос (хакас) тілінең литературнай хығырығ».
Учебниктернің авторлары педагогика наукаларының кандидаттары Н.Я.Толмачева, М.С.Арчимаева паза А.Н.Балгазина полчалар. «Пос (хакас) тілі» паза «Пос (хакас) тілінең литературнай хығырығ» предметтерҷе наа учебниктер федеральнай тоғысчы программалар хоостыра тимнелгеннер.
Экспертизаны иртібізер ӱчӱн, В.М.Торосовтың адынаң Хакас книга издательствозы Россияның просвещение министерствозынзар учебниктернің паза ӱгретчілерге кӧрілген методика пособиелерiнің пазылған паза саннығ кӧрімнерін ысхан. Тиксі 27 материал ызылған.
Таныхтирға кирек, ирткен чылда федеральнай переченьге «Пос (хакас) тілі», «Пос (хакас) литературазы» предметтерҷе, 10-11 класстар учебниктері кирілгеннер.
Сом r-19.ru сайттаң
Автор :
Хакасияның ӱгредіг паза наука министерствозының пресс-службазы
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 1 | 2 | 3 | 4 |
Кӱн таңмазы
Хакасияда
Россияда
Тилекейде
