Хайди хазыхты тыыдарына путевка аларға?
22.07.2026
Хабарлар
Реабилитация сурығлары. Россияның Социальнай фондының (СФР) Хакасияҷа пӧлии СВО араласчыларына реабилитация иртер сурығларны чарытча
Хакасия Россияның картазында Ада чир-суубыс арачылағҷылары постарының хазиин тыыдып алар ӧӧн орыннарның пірсі полып одырча. Пістің регионда Социальнай фондтың 12 кінінің иң iскеркізі – «Туманный», Сорығ город хыринда орныхча.
Пастап ол учреждениелер профессиональнай ағырығлығ паза производствода палығлатхан кізілерге кӧрілген полғаннар, че имнир тиксі оңдай ӧнетін чаа операциязынаң айланғаннарға ізiктерін асхан. 2025 чылдаң сығара СВО ветераннары мында хазиин тыытчалар. Пеер прай хазнадаң – Калининградтаң Владивостокка теере – килчелер.
Кемнің имненер правозы пар паза хайди аны идіп аларға?
Санаторий-курортта тикке имненер праволығ полчалар СВО-даң демобилизацияҷа айланған араласчылар, оларның чаалазығлар ветераны удостоверениезі паза имнег кӧзідiглері пар поларға кирек. Прай хорадығлар ӱчӱн, ол санда чол ӱчӱн, хазна тӧлепче. Аны идіп алар оңдай нииктел парған:
– СФР пӧлиинің клиент службазынзар, МФЦ-зар алай «Хазна полызығлары» портал пастыра сурыныс пiчиин пирібізерге чарир;
– айланыс тоғынҷаң ікі кӱн аразына кӧріл парча.
Сурыныс пічиинең хада пирерге кирек имнег кӧзідіглерін киречiлепчеткен имнег учреждениезінің пічіктерін, iдӧк санаторий-курортта имненерге паза реабилитация иртерге чарадылбинчатханын. Санаторий-курортта имненерге путевка аларға кирек 070/у формаҷа справка, реабилитацияа – 057/у-04 формаҷа, СВО араласчызының андағ пічіктері чох полза, СФР пӧлиинің специалисттерi оларны аларға хабас пирерлер.
Чорыхха тикке парар пічікті имненерге чарадығнаң хада алып аларға чарир. Пасха даа оңдай пар – билетті посха алып аларға, хорадыға компенсация айландырылар. Парҷаң правонаң чылда пір ле хати тузаланарға чарир.
Чааҷыларға реабилитация ортымахти 21 – 23 кӱнге иртірілче, санаторийде имненері – 21 кӱнге теере. Курстың узуны имнег кӧзідіглерінең палғалыстығ.
Пасха кізінің кӧрізі киректелчетсе, андағ оңдай пирілібӧкче. СВО араласчызы I группаның кинегі полза, алай аны хада ал чӧрҷең кізізі киректелчетсе, ол полысчының тикке чӧрҷең, реабилитация кінінде чуртир паза азыранар правозы пар полар.
Реабилитацияның ӱс тірее: иді, худы, нанҷылас
Чаалазығдаң айланғаннарға Хакасиязар чорых пастағы тынағ полча. Чир-чайаан, кии, пасха кізілер харығ полбинчатханы кізее пос салыныбызарға паза хазиин тыыдарға полысча. СВО араласчызын амыр чуртасха кӧніктірерге, палығларны имнирі ле нимес, iдӧк психологияҷа имнег киректелче. Анда ӱс ӧӧн кӧcтег кӧрілче.
Имнеп, азахха турғызары
Имҷілер, прай диагностика иртiріп, чара чачырас палығларын имнепчелер. Ветераннар имнег бассейннерін паза гидробассейннер, углекислай ванналар алчалар, iдӧк оорхаларны сӧӧ тартчаң аппараттарнаң айғасчалар.
Психология полызии паза культура терапиязы
Палығлатхан соондағы стрессте полған сайбағнаң тоғынарына алынҷа хайығ салылча. Психолог имҷілер сағыссырасты, ӱрӱгӱстi, узуп полбинчатханын чох идерге полысчалар.
СВО араласчыларына реабилитация иртірер паза санаторий-курортта имнир программаа региондағы ызых чирлерде полары кӧрiл парған – Бородино хуйузында паза Салбых кӱргенінде.
Чаалазығдағы нанҷылас
СВО ветераннары удур-тӧдір чоохтазығны уғаа аарлыға санапчалар. Артых сӧстер чох олар чахсы пілiсчелер. Андағ чоохтазығлар ветераннарға, ибзер, сӧбірезiнзер айланза, хайдағ-да тудығларны суурыбызарға полысчалар.
Сурығларнаң айланарға пірге контакт-кіннің телефонынҷа: 8-800-100-0001.
Автор :
СФР-ның Хакасияҷа пӧлиинің пресс-службазы
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
